photo:vg.no

Norway political party nganbik Arbeiderpartiet hruaitu thing asimi hlan Norway PM Jens Stoltenberg ai dinh hnuah, kan hnu zartteni National Convention ah hruaitu thar an hun thim tthan i, Jonas Gahr Støre, kum 53, cu AP hruaitu thar ah an hun thim cang.

Stoltenberg nih AP cu kum 12 chung arak hruai, naite ah NATO General Secretary ah an thim hnuah tu bantuk in chuah a herhnak a hun si. AP le Norway politik chungin chuah tak ding a hun si tikah, “ka ngeih a chia ngai, ka hun ngai tuk te lai” a ti.

Støre nih cun, a ra laimi caan ah biapi kan chiah ding hna cu; ngandamnak zohkhenhnak, fim cawnnak le nikhua ai thlengmi ruang i minung caah tthat lonak a chuah pimi kongah pawl an si te lai tiah achim.

Amah hi Norway Red Cross GS, ramdanglei vuanci le ngandamnak lei vuanci zong a rak ttuan bal, mirum ngai (millioner) zong asi.

ccn THAWNGPANG THAR