Wang Xinlu cu pahmei asi i kum 8 lawng asi rihmi fapa pakhat te a ngei.
“ Ka fapa he a donghnak kan biaruah te ka ruah than ah ka celh lo” tiah tilian leicimh nih a kalpimi a fapa kong cu a chim.
“ Cu zan cu zarttezan a si, ruah cu sur tuk, khuabalung cu tur tuk kaw ka fapa te cu a mah tein a it ngam ti lo i ka sin ah a rak ra, ka pa na sin ah ka it ve lai, keimah lawng ka it ngam lo tiah a ka ti, kei nih kai thawh i, kal ! na ihnak ah va kir tiah fak ngai in ka hro, tu ahcun zeiti khirthan awk tha ti lo ee”
tiah mitthli he a fapa kong a chim.
“ A ihnak a kir tlawmpal ah kan ihnak cu ti le nawncek nih a kan phanh i ka fapa te cu ka hun hlam, nain…. a ihnak ah um ti loin a ka tlau tak diam, tutiang kan i hmuh kho ti lo” tiah ther lengmang in a chim.
Tuchun tiang ah ruak an hmuh cangmi hi 337 an si cang i, minung 1100 renglo an tlau rih. Mi cheu nih cun a thimi minung a thawng hmanh an phan kho tiah an tuak. Meithattu buu le ralkap mibuu lei in minung 7000 renglo hna nih hehchet tiah mithi he minung he an kawl cuahmah hna. Tilianh nawncet a fahnak kong a hmumi minung pakhat nih a chimmi cu, “ ton 20 renglo a rihmi lungtum pipi hi ti le nawncet nih cun a rat pi ciamman hna i kan inn pawl cu vui nih ramlak a pahmi bantuk in a hun pah thuahmah hna” ati.
Tu ruahsur tilianhnak hi minung ting 6 tluk khuasaknak Tuluk ram Gannan Tibetan Autonomous prefecture, Gansu Province ah asi.