Chin Community in Norway (CCN) nih can saupi ai rak i timh cangmi Seminar cu, a ralaimi September 14, 2013 in kan thawk kho cang lai. CCN nih direct organize a tuahmi ah cun, a voikhatnak asi i Skien, Telemark khua ah tuah dingin timhtuahnak a um.
Seminar cu, ‘Cross-cultural and educational seminar’ tiah a tlang kan taar i, asullam cu, ai lo lomi nunphung pahnih zohnak le fim cawnnak seminar tiah a fawinak in i fian khawh asi. Seminar nih ai timhmi cu, proposal chuahpimi hnatlak pimi chungah a tanglei bantuk in hmuh khawh asi:
” Norway um Chinmi hna nih kan umnak ram uknak ihruaining, zulhphung, thil sining hna le an nunphung kong ruah-chimh cawnpiak nak tuah khawh ding.”
Norway Chinmi hna nih kan umnak ram i thilsining kong kan theih a herhmi tampi aum. Culakah, CCN nih kan mipi sinah theihter dingin ai timhmi pakhat cu, an ram uknak umtuning, phunglam, nunphung hna kong an si. Hi thil sining kong theihfian nak thawngin ’local integration’ tiah an timi, an ram sining he ai tlak tein nun khawhnak kan ngei kho ding asi ti hi kan zumhmi asi. Hman cuahmahmi zulhphung, a nunphung hna theih-fian lo ruangah kan tonmi harnak le buainak a tam ko cang. Cucaah kan miphun hna nih kan i chimh, i cawnpiak, lam i hmuhsak kan herhmi kongah CCN nih seminar le workshop tuah kan herh ko ti hi ai hmaithlakmi asi caah hi program hi a rak chuahnak asi i, keimah proposal ttial dingin thim zong ka si nak asi.
Hi hnu zong ah hmun dangdang ah tuah dingin timhtuahnak kan ngei rih. Tutiang ah, Norway um krihfabuu 15 leng sinah hi seminar tuahnak kongah ca kan ttial cang i, lunglawm ngai in ca a kan let cangmi zong an um len. Lungtho ngai in Seminar tuahnak nawl akan petu hna krihfa buu hna cungah lunglawmhnak kan ngeih lawng siloin, mah le umnak hmun ah tuah khawh lo zongah kan tuah khawhnak ai naihnak bik ah kan tel pi kho cio dingin le thazaang kan pe cio dingin nawl kan nin duh rih ko hna.
Skien kommune tuah ding CCN seminar program cu hika ah download tuah khawh asi.