Laihla Rock Album ‘A um Lo’ a Chuak Cang Lai

Suilian
A Um Lo Album Cover

Norway Chin hlasak thiam tlangval, Sui Lian nih caan saupi laak in a chuahmi Laihla rock album pakhat cu a rauhhlan September 7 ah official tein a chuak cang lai tiah thawngtheih asi. Cucu amah hlasa Sui Lian nih a facebook chungah a hawi le thawngtheih ter nak a tuahnak ah a ttial.

‘A Um Lo’ tiah ropuai ngaiin tlangtaarmi rock album cu a chuak cang lai tiah, thawng theihnak a sau ngai cang i, minung tampi zong nih rak i ngaih ngai cangmi album asi.

Kanmah Chin mi chuahmi hlaphel lak ahcun, quality a ngei pawl si ko lai ti hi music duh pawl nih an chim ceih ngaimi asi. Hi a album chuahnak zong ah thazaang, phaisa le caan tam pi a peek tiin theih asi. Kum 2 hrawng caan a peek hnu ah a chuakmi hlaphel asi caah quality a tha ko lai ti hi i ngaih cio asi.

Youtube  zong in a hla tlawmpal cu ngaih khawh an si cang hna i, cu zong ahcun, a zohmi le a hlathlaimi an karh ngaingai ti hmuh khawh asi.

Tubantuk in quantity nak in quality biapit zia ruah in a kan zuam piaktu Sui Lian cung ah Norway Chin aiawh in lunglawmhpinak kan ngeih lawng siloin, hmailei zong ah chuak lang kho chin lengmang dingin saduhthahnak kan rak ngeih piak ve.


Scroll to Top