Kovid-19 Zawtnak le A Dangdang Flu (Tlangrai) Pawl le Allergi ai Dannak Tete

By Thang Za Lian (Shiny Pa)

A caan lio te a si i, theihding le i ralrin a herh caah ka vun nawlh tthan ko lai.

Cumpit sawhsawh le allergi

1. Na mit a thak, a fak lai

2. Na hnar a pit lai ( na hnap duk a tla ve kho).

3. Na hathiau ( nysing) lai.

4. Na cuap zong ah infeksjon a lut kho ve i, na khuh khawh ve tthiam tthiam ( NHI) zei bantuk allergi dah ti mi nih a ngeih lai ( Mat allergi) kong tu ai tel lo.

Flu (Influenza) Cumpit Tlangrai pawl

1. Feber ( na tak a lum) lai. 37,7 tiang hi normal ti khawh a si, 38 C in feber ah chiah a si.

2. Na ba lai, na thazaang a um lai lo.

3. Na taksa a fak lai.4, Na khuh lai.

5. A cung lei pawl nak zong in a dang ai chap kho rih.

Kovid-19

1. Na tak a lum lai ( feber) na ngei lai

2. Na ba lai, na tha a um lai lo, Na taksa a fak lai.

3. Na cuap kha virus nih a va hrawh caah na thawchuah a har lai. Zei catiah korona virus nih na cuap chung i alvoelar timi oksygen le karbondioksid ai thlen nak cell pawl kha a va hrawh caah a si.

Cu caah, zei bantuk zawtnak dah a si ti theih fian nak caah cun, na takpum nih a tuar mi ( symtomer) pawl kha theih a hau,zawtnak ai thawk ka ahcun symtomer pawl hi an i lo ngai hna, a rauh deuh hnu tu ahcun korona virus zawtnak cu kan cuap (lunge) i cell a va hrawh i kan thawhchuah le duap a har nak hi a si bik. Khoika dah na tlawn i na kal? Korona zawtnak tamnak ram ah khual na tlawng maw? Kino, konsert le minung tampi umnak party puai, Football camp le a dang dang hna ah na kal maw ti kha ruah a hau lai.

I kilvennak ding kong cu nan theih dih cio cang ko i tam ttial a hau lai lo nain pahnih tein; kut ttawl , disinfeksjon hman le khuh khuh, hathiou (nysing) tik ah tissue (papir) hman hi cu vun nolh ka duh.

Helsedirektoret nih fa le chim ding le cawn piak ding tampi a kan chimh mi zong a tang lei ah ka vun thilchih. Norway cozah hi ai ralrin tuk caah, thinphan tuk ding a um lo. A si nain i ralrin a hau tak tak mi a si. Sianginn le hmun dang dang kip zong ah hi zaawtnak fimchimh nak le i ralrin nak kong hi kan fa le pawl zong hi chimh cio an si i, nu le pa zong nih inn ah chimh ding hi Helsedirektoratet nih a duh mi a si. Hi zawt nak hi mild ( a nem mi) flu bantuk a si caah immunforsvar a tthawng mi caah cun ttih ding a si lo nain, kronisk ( a tlau kho thai lo mi) zawtnak pawl KOLS ( khuh hring), Thi kai ( Hypertension), Diabetes ( thithlum le zunthlum) le Cancer in a zaw mi hna le tar pawl kum 80 cung lei pawl caah cun ttih a nung pah mi a si. Cu caah mi tampi kan i chawnh lo nak ding caah ti in Norway cozah nih a ni fatin te thawng a thanh i tuah ding, hrial ding le i ven ning cang tete a kan fial i a kan chimh peng mi hi a si.

Kan no ko, kan tthawng ko tiah i ruah sual zong a fawi te, kan i theih lo kar ah zawtnak kan rak ngei kho ziar. Cun hi zawt nak kha na hawi le, na chung khar, na khua mi sin ah a chuahpi tu na si lo ding a biapi tuk fawn. Hi zawtnak a chuahpi tu na si i, na tei i na dam ko zong ah nangmah thawng in midang dang sin a phak tik ah a cung lei ka langhter cang mi pawl nih hi zawtnak hi an rak tei ve lo i an nunnak a liam sual ahcun ngaihchia ngai a si sual lai.

Referanser (Chirchanh pawl);


Bradstorp; H. (2020) Råd om å snakke med barn og unge om koronavirus/covid-19 Hentet fra: https://www.helsedirektoratet.no/nyheter/rad-om-a-snakke-med-barn-og-unge-om-koronavirus-covid-19

Hva er allergi? https://nhi.no/sykdommer/allergi/diverse/allergi/
Willinham, A,J ( 2010).Is it allergies, the flu or the coronavirus? How to tell the difference hentet fra :https://edition.cnn.com/2020/03/11/health/coronavirus-cold-allergies-flu-difference-symptoms-wellness-trnd/index.html?utm_content=2020-03-11T09%3A01%3A03&utm_term=link&utm_source=fbCNN&utm_medium=social&fbclid=IwAR0bnXo6nNCeVr1zyQObHJjjbz0PFnJsMwkWJ8wdtKN21JZxQkiorMFQhO0&fbclid=IwAR3QcxRKMVXLQw5yk8iYAiwiYFCaJhydNm5RRuQC0yHnqb6fe63133yQLC4Allergi er en tilstand som skyld

(Webmaster note: Hi Coronavirus kong ralrinnak le theihternak a kan tuahtu hi Pu Thang Za Lian, Norway ram Sandnes khua ummi asi. Amah hi Nurse a kai liomi asi. Norway Chinmi hna lawng bia i ruahnak Facebook group ah a share mi, amah nawl kan hal hnuah kan rak taar piakmi asi.)

Scroll to Top