Coronavirus le Hngakchia Kongah Theih ding

By Tial Kio Thang

✣ Ngakchia hi atu lio coronavirus nih atlunh mi chungah an intuarmi upa nakin afaak lo deuh ti asi, phundang kan chim ahcun ngakchia pum nih coronavirus hi a tuar khawh deuh ti asi.

✣ Ngakchia zong upa bantuk in hawi le he a phuphu in lekeplass ti bantuk ah um lo ding, u le nau chuah pi tti cu lente celh tti khawh asi, cun hawikom pakhat/pahnih he um tti khawh asi fawn nain 1. meter upadi zulh asi ve lai, asi khawh ahcun inn chung nak in inn leng ah um/lentecelh ah a ttha deuh.

✣ Lentecelh ahcun, celh hlan le celh hnuah kut ttawl philh lo ding!

✣ Chuahni lawmhnak(bursdagfeiring) mi dang he tuah hrim lo ding!

✣ Pa khat le khat i riah lo ding!

✣ Hngachia a cumpi, a khuh khuh ahcun adang dang (luftinfeksjon) asi mi poh poh lengah chuah pi hna lo ding.

Ngakchia sinah chimding bia;

✣ Atu lio caan bantuk ahcun ttih le thinphan cu a phung asi caah ttihnak le phannak fa le sinah lankter cu apoi lo, nain fa le cu nu le pa a bochan mi an si caah, ttih tuk le phan tuk in na fa le hmai ah na um lo ding a biapi.

✣ Na fa le kha ttha te le asining tein zeiruangah sianginn le barnehage khar asi timi fiang tein na chimh hna lai, cun virus akarh lo nak dingah zeidah ttuanvo kan ngeih timi ttha tein na chimh hna lai.

✣ Ngakchia nih an mah tein, an hawi le sin asiloah media adang dang sin in bia vaivuan an theih mi a tam pi lai caah, na fa le nih zeidah an theih timi kha theih na zuam ve lai, cun media ah atu le tu thawngpang zoh ahauh lo nak kong na chimh hna lai.

✣ Abiapibik mi cu, Virus kongah zeirel lo tuk in chimh hna lo ding, ttihnung tuk le thin phang tuk zong in chimh hna lo ding, Norway ram ah sizung ttha ttha le doctors te tampi kan ngei i ttha tein an zoh khenh ko hna nak kong tu na chimh hna lai.

Ngakchia cungah Nu le Pa Ttuanvo

✣ Asi khawh chungin social media ( facebook, snapchat le adang dang) tlawmdeuh in an hmannak ding ah na zuam lai.

✣ Nifatin te nidang bantukin ei le din pi khawh hna na zuam lai.

✣ Ngakchia nih coronavirus kongah ttihnak le phannak an ngeihmi thinphannak cu ttha tein theih khawh na zuam lai, abiapi inn zaan ah ngakchia tam deuh cu an thinphannak an lankter lai caah zohkhenh khawh hna na zuam lai.

✣ Sianginn kai caan (08-14)  ah asi khawh chung in lekse le inn leng ah hli thiang dawp pi khawh hna na zuam lai.

✣ Abiapibik in, atu lio cu harnak ton caan asi caah, zeitindah harnak ton caan ah na um pi hna timi hi fale caah kum sau pi tiang abiapi lai. Asi khawh ahcun family ning tein rawlchuan tti te hna, film zoh tti te hna in caan hman khawh ahcun a ttha ngai mi asi.

Chirhchan:

https://helsenorge.no/koronavirus/barn-og-gravide?fbclid=IwAR3JDdsmM-25pGLZYufX0QdBSjE-y0TD11kQySGJ_hQINrlhDF6ugGovAak

Scroll to Top