Kan cozah nih Covid-19 phunglam kongah strick deuh dingin timhtuahnak an ngei

Kan cozah nih Covid 19 phunglam kongah strick deuh ani tim

Kan hnu zerh chungah Norway ram ah Covid-19 in a zawmi 728 an si, cucu awidang zerh nak in lethnih deng in a tam deuh, curuangah Norway ram cu a senmi ram ah a phan ve cang. Kan hnu zerh a kark khun nak a ruang cu Fredrikstad, Sarpsborg le Bergen ah lokale smitteutbrudd a can caah a si. Cun FHI nih naite hlethlainak a tuahtharmi ah minung tamdeuh nih coronaregler (Corona zulhding phunglam) kan zul lo tiah an ti, hlethlainak an tuah mi chungah 42% lawng nih kan zulh tiah an ti.

Mahbantuk in lokale smitteutbrudd hi a can deuhrih ahcun koronaregler kongah kan strick deuh a hau tiah atulio statsminister a si mi Erna Solberg nih nizaan ah a chim. Strick deuh rih a hauh ahcun atanglei bantuk hin phihtthan asi te lai;

Mipi (offentlig) caah tuahmi tonnak ah a tambik minung 50 tiang lawng onh tthan ding

Privat tonnak asi ahcun minung 5-10 tiang lawng onh ding

Norway ramchung zongah hmunhma cheukhat ahcun tlawn lo ding

Restaurant le Bar hna hungcaan le kharcaan kongah strick deuh ding, cun aherh ahcun khar ter hna ding hna an si.

Sihmanhsehlaw a ralaimi caan ah Covid-19 in a zawmi an tlawm deuh hluah mah sual ahcun nihin i kan dirhmun nak in tamdeuhpi onh ding in kan cozah nih timhtuahnak an ngei fawn. Atulio te ahcun coronaregler a dang zeihmanh kan hleng rih lo tiah Statsminister Erna Solberg nih nizaan ah a chim.

Sources laknak;

https://www.fhi.no/nyheter/2020/mange-sier-at-de-bryter-karanteneplikten/

https://www.regjeringen.no/no/aktuelt/regjeringen-vurderer-innstramminger/id2741067/

Scroll to Top