Atulio fale zawt sual ah nu le pa nih ngeihmi covo

Norway ram ah rian a ttuan i fa kum 12 tang a ngei mi nu le pa poh nih fale zawt caan ah rian in manphalh bu in ni zeimawzat hi kum khat ah i dinh khawh a si, cucu Norway holh in omsorgsdager tiah auh asi.  Atutan zongah kan cozah nih tukum 2020 Juli.1 thawk in December.31 tiang caah a thar in omsorgsdager tuah piak tthan kan si. Cucu atanglei bantuk hin asi;

Fa pakhat asiloah pahnih a ngeimi caah ni 10 tiang Omsorgsdager lak khawh a si,

Fa 3 in a cunglei a ngei mi poh nih ni 15 tiang lak khawh asi

Nuhmei/pahmei (nu lawng asiloah pa lawng) nih zohkhenh asi mi fa a ngei mi cu Omsorgsdager lethnih in pek an si

Cun tlamtlinglo le damlonak he a chuak mi fa a ngei mi nu le pa poh cu ni 10 a hlei in chep an si

Abiapi in theih ahau rih mi cu a liam cangmi thla 6 chungah ni tampi na rak hman cang zongah a thar in ni 10 na hngah tthiamtthiam lai. Phundang in kan chim ahcun a liam cangmi thla 6 chung i kha cu atu i he zeihmanh a pehtlai ti lo ti nak asi.  Culengah coronavirus ruangah sianginn le mucu (barnehage ) khar asi sual ahcun mah ni 10 pek mi chungin  na hman dih cang sual zongah omsorgsdager hman khawh asi tthiam tthiam lai, mahbelte cu sianginn lei in khar asi timi ca pek mi na ngeih hrim ahau.

 Mah omsorgsdager hi 100% in permittert (rian in dinhter chung mi) na si sual ahcun hman khawh asi lai lo, nain (delvis) 100% in permittert mi na si lo ahcun hman khawh asi.

Note! Omsorgdager hi kumkhat ah ni zeizatdah ngah khawh cio a si timi pakhat le khat a dan cio lai caah mah konghe pehtlai in NAV zong contact khawh an si, cun kan mah CCN zong tamdeuh in a fiang lo mi hlethlai ter khawh kan si.

Scroll to Top