Chinram khi Kawlram ah a ummi ram fate pakhat asi. Ram fate asi ko nain kan tthawngtuk hringhran.
Ziah ti ahcun Kachin ram lei ah sautuk ka rak um bal le annih cu Kachin holh an hmang ti lo, Kawl holh lawng khi an hmang cang. Chinram ahcun Laiholh khi kan tleihchan tuk rih, Laiholh lawngte khi kan hmang. Nain kan Chinram te cu chambaunak tamtuk kan ngei ve.
Chinmi ka si bantukin Chinram caah a chanbaunak kha tlin ter dingin saduh ka that ve ko. Ka saduhthahmi tampi lakah ka saduhthah cemmi pakhat cu inn a fekmi le lam a tthami an ngeih khawhnak khi asi.
Kan Chinram lam zeitluk a chiat timi kha Chinram a tlawng balmi nih cun kan theih ko lai tiah ka zumh. Lam a chiat tuk ruangah mizaw hna zong mawtaw in kalpi thiam zong an si lo. Khultlawngtu pawl zong khual an tlawng pah ah lam an remh tami kha an hngah pah a hau. Laitlang lam cu tlang cung lam asi i a ttha lo. Cun a hleiin ttih a nung tuk.
Inn te pawl zong kan zoh tikah a hleiin zunput kha a chia. Atu cu asi rih maw ka thei lo, a hlan lio ahcun fung hna in an ek an i hnawt ti zong ka theih bal. Inn cu a ho poah caah a herh hrimhrim mi asi. Thli hran ruah sur le ni tlan tuk lioah inn ah kan um huam cem. Kan umnak inn nih mahbantuk thabawah nih sermi thlichia pawl a khanmi asi hrimhrim a hauh cu a fiang.
Mahruangah kei cu a tthami le a fekmi inn an ngeih khawhnak le a tthami lam kan ngeih khawh ding kha bawmh kai timhmi asi.
[Editor note: Hi capar tawite hi 2015 CND, Bryne, Norway ah Chin ca zuamnak tuah asi i, kum 13- 17 karlak zuamnak ah pakhatnak a hmumi capaar asi. Cattialtu hi amin ah Mary Soe asi i, Sandnes ah a nulepa he ummi asi i, videregående a kum khatnak a kai liomi asi ]