Corona Ruangah Hrenchungning Aphunphun

1. Smittekarantene

Corona zawtnak a ngeimi he naihniam in um ruangah karantene. Zawtnak a ngeimi (smittet) he naihniam tein a ummi (nærkontakt) nih zawtnak a ngeimi he naih tein umti caan thawk in ni 10 chung karantene ah um a hau. Koronatest zong a herh. Hika https://c19.no/ ah time bestille tuah khawh a si.

Naihniam ummi (nærkontakt)

Zawtnak a ngeimi he zawtnak (symtom) a langh hlan ni 2 chungah a tanglei langhtermi pakhatkhat in um ahcun, zawtnak lang loin positive mi asi cun test ai tuah hlan ni 2 in tuak a si.

• Meter 2 tluk naih in minute 15 nak tam nan umtti ahcun
• Takpum, kutke tibantuk (fysisk kontakt)
• Cil, hnapdi, mithli tibantuk tawngh Smittekarantene a ummi nih zulh dingmi
• Mahle inn te ah um ding.
• Inn um vemi upa dang he hlaat deuh in um ding.
• Rian, sianginn, mucu kai lo ding.
• Ram chung zongah khualtlawn lo ding.
• Zapi hmanmi tlunkalnak tlanglawng, bus tibantuk hman lo ding.
• Zapi hmun a simi dawr, rawldawr, siidawr tibantuk hrial ding.
• Mileng ngeih lo ding.

2. Ventekarantene

Smittekarantene a ummi he innkhat ah um ruang ah karantene.Atanglei a ruang pawl a tlin tiang karantene um a hau ve;

• Naihniammi smittekarantene kha a voikhatnak test ah negative a si tiang.
• Smittekarantene ummi kha ai test lomi a si ahcun a karantene ni 10 a dih tiang.
• Smittekarantene a ummi le zawtnak a ngeimi naihniam tein an um ni 3 hnuah PCR-test ai tuah i negative a si ahcun karantene a hau ti lo.Atanglei pawl a tlin ahcun karantene um a hau lo;
• Vaccine a voi khatnak ai chunh hnuah zarh 3 a tlingmi▪︎ Naihniammi smittekarantene a ummi kha vaccine a voi khatnak chunhmi zarh 3 a tlin ve ahcun;
• A luancia thla 6 chungah Covid-19 in a dammi, ngandamnak zung in ca langhter khawh a herh ve.
• Smittekarantene he naihniam in a um ko nain inn khat ah a umti lomi cu ventekarantene a hau lo.

3. Innreisekarantene

Ramdang ‘Røde land’ in Norway na luh tikah ni 10 hrenchung khawh a si. Røde land in na ra nain, Norway luh hlanah ‘gule land’ na pah pah ahcun, hren caan ni 10 naak tlawmdeuh in tuak piak khawh a si. Hrenchung haumi hna cu Norway an phanh hnuah karantenehotell ah chiah an si, ni 7 chungah PCR test zong an tuah ter hna. Khualtlawng chawkvaak chikhat aa vun i din tami (transitt) pawl khi cu hrenchungmi an an i tel lo. Cun, barnevern tibantuk tawlrelnak in nulepa le fale tonnak (samvær) tibantuk, cozahlei rianherh ah ai tongmi upa hna zong corona test negative an si ahcun hi hrenchung phung nih a huap hna lo.

4. Fritidskarantene

Innreisekarantene tuah a luatmi ramchung lut pawl rian an i dinh caan/an ttuan lo caan (fritid) ahcun zapi khualtlawng bantukin hrenchung an si ve.

𝑵𝒐𝒕𝒆: 𝑵𝒂𝒔𝒋𝒐𝒏𝒂𝒍 𝒓𝒆𝒈𝒍𝒆𝒓 (𝒌𝒐𝒎𝒎𝒖𝒏𝒆 𝒄𝒊𝒐 𝒏𝒊𝒉 𝒂 𝒓𝒆𝒏𝒈 𝒅𝒆𝒖𝒉𝒎𝒊 𝒓𝒆𝒈𝒍𝒆𝒓 𝒂𝒏 𝒏𝒈𝒆𝒊 𝒌𝒉𝒐)

Ref: helsenorge.no (sist oppdatert 29.03.2021