Notice: Function _load_textdomain_just_in_time was called incorrectly. Translation loading for the wp-statistics domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /customers/4/6/4/norwaychin.no/httpd.www/wp-includes/functions.php on line 6114 Notice: Function _load_textdomain_just_in_time was called incorrectly. Translation loading for the ultimate-addons-for-gutenberg domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /customers/4/6/4/norwaychin.no/httpd.www/wp-includes/functions.php on line 6114 Notice: Function _load_textdomain_just_in_time was called incorrectly. Translation loading for the astra-addon domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /customers/4/6/4/norwaychin.no/httpd.www/wp-includes/functions.php on line 6114 (၆၇)နှစ်မြောက် ချင်းအမျိုးသားနေ့မိန့်ခွန်း

(၆၇)နှစ်မြောက် ချင်းအမျိုးသားနေ့မိန့်ခွန်း

By /

နော်ဝေးနိုင်ငံ၊ ဗရီနဲမြို့ , ၂၀၁၅ ခုနှစ် ဖေဖေါ်ဝါရီလ (၂၀)ရက်နေ့

လေးစားရပါသောဧည့်သည်တော်များနှင့် ကြွရောက်လာကြသော ချင်းတိုင်းရင်းသားညီအစ်ကို မောင်နှမများ ခင်ဗျား-

ကျွန်တော့်နာမည် Rev. Pum Za Chin ဖြစ်ပါတယ်။ (၆၇)နှစ်မြောက် ချင်းအမျိုးသားနေ့ အခမ်းအနား မှာ စကားပြောခွင့်ရတဲ့အတွက် အထူးပဲကျေးဇူးတင်ပါတယ်။

နော်ဝေးနိုင်ငံ၊ ဖရူးလန်မြို့မှာ ကျွန်တော်တို့ Chin Community Norway (CCN)ကို ၂၀၀၄ ခုနှစ် ဇူလိုင်လမှာစတင်ဖွဲ့စည်းခဲ့ပါတယ်။ ချင်းအမျိုးသားနေ့ကို ၂၀၀၅ ခုနှစ်ကစပြီး နှစ်စဉ်ကျင်းပလာခဲ့တာ၊ (၁၁)ကြိမ် ရှိသွားပါပြီ။

ချင်းအမျိုးသားနေ့ဖြစ်ပေါ်လာပုံအကြောင်းကို နှစ်တိုင်းပြောခဲ့ပြီးဖြစ်လို့ အသေးစိတ်မပြောတော့ပါဘူး။ ဒါပေမယ့် ချင်းအမျိုးသားနေ့ရောက်တိုင်း၊ ချင်းအမျိုးသားနေ့ကျင်းပရတဲ့ရည်ရွယ်ချက်နဲ့ အနှစ်သာရကိုတော့ မမေ့ကြဖို့ပြောချင်ပါတယ်။

နံပါတ်(၁) ကျွန်တော်တို့ ချင်းလူမျိုးများဟာ ကိုယ့်ကိုကိုယ် Zomi/ Mizo/ Laimi/ Cho/ Asho/ Khumi/ Thado-Kuki စသည် စသည်အားဖြင့် အမျိုးမျိုးအခေါ်အဝေါ်ရှိကြပေမယ့်လည်းပဲ၊ လူမျိုးတစ်မျိုးတည်း ဖြစ်ပါတယ်။ ညီအစ်ကိုတွေဖြစ်တယ်။ စည်းလုံးကြရမယ်ဆိုတာကို မမေ့ဖို့လိုပါတယ်။

နံပါတ်(၂) ကျွန်တော်တို့ ချင်းလူမျိုးများဟာ ရှေးဘိုးဘွားများလက်ထက်ကစပြီး၊ ကိုယ်ပိုင်တိုင်းပြည်နဲ့ လွတ်လပ်တဲ့လူမျိုးဖြစ်တာ သတိရဖို့လိုပါတယ်။

နံပါတ်(၃) ကျွန်တော်တို့ ချင်းပြည်ဟာ နယ်ချဲ့အင်္ဂလိပ်လက်အောက်ကနေ လွတ်လပ်ရေးကြိုးပမ်းတဲ့ အခါ ….. ဗမာခေါင်းဆောင်ဗိုလ်ချုပ်အောင်ဆန်းက လွတ်လပ်ရေးကို အတူတူယူကြပြီး၊ ပြည်ထောင်စုမြန်မာ နိုင်ငံတော်ထူထောင်ပြီး၊ အားလုံးအတူတူ ချစ်ချစ်ခင်ခင်နေကြရအောင်လို့ စည်းရုံးခဲ့ပါတယ်။ ၁၉၄၇ ခုနှစ် ဖေဖေါ်ဝါရီ(၁၂)ရက်နေ့မှာ ပင်လုံစာချုပ် ချုပ်ဆိုပြီး၊ ဗမာပြည်နဲ့ပေါင်းပြီးတော့၊ ၁၉၄၈ ခုနှစ် ဇန္န၀ါရီလ (၄)ရက် နေ့ မှာ ပြည်ထောင်စုမြန်မာနိုင်ငံတော်ကြီး ပေါ်ပေါက်လာတာဖြစ်ကြောင်း၊ မမေ့ကြဖို့ လိုအပ်ပါတယ်။

နံပါတ်(၄) ကျွန်တော်တို့ ချင်းလူမျိုးများဟာ လွတ်လပ်ရေးကို ယူပြီးရင် အာဏာရှင်စနစ်ဖျက်သိမ်းမယ်၊ ပဒေသရာဇ်အုပ်ချုပ်ရေးကို ပယ်ဖျက်၊ ပါလီမန်ဒီမိုကရေစီစနစ်နဲ့ သွားမယ်လို့ ၁၉၄၈ ခုနှစ် ဖေဖေါ်ဝါရီ (၁၉-၂၀)၊ ဖလမ်းမြို့မှာ လူထု ၅၀၀၀ကျော် တက်ရောက်ပြီး ဆုံးဖြတ်ခဲ့ကြတာဖြစ်ပါတယ်။ ဖေဖေါ်ဝါရီ(၂၀)ရက်နေ့ကို ပူမန်တုံးနုံး၊ ပူဝမ္မသူးမောင်းတို့က ချင်းအမျိုးသားနေ့အဖြစ် သတ်မှတ်ရန် အဆိုပြုဆုံးဖြတ်ခဲ့ကြပါတယ်။ ပထမဆုံး ချင်းအမျိုးသားနေ့ကို ၁၉၅၁ ခုနှစ်က မင်းတပ်မြို့မှာ ကျင်းပနိုင်ခဲ့ကြပါတယ်။

နံပါတ်(၅) ချင်းနဲ့ဗမာ ချစ်ကြည်ရေးစာချုပ်များချုပ်ဆိုပြီး၊ ပြည်ထောင်စုမြန်မာနိုင်ငံတော်ကြီး ပေါ်ပေါက် လာတာဖြစ်ပါတယ်။

(က) ပင်လုံစာချုပ်မှာ ဗိုလ်ချုပ်အောင်ဆန်းနဲ့ ချင်းပြည်ကိုယ်စား တီးတိန်မှ Pu Thawng Za Khup, ဟားခါးမှ Pu Kio Mang, ဖလမ်းမှ Pu Hlua Hmung တို့က လက်မှတ်ထိုးခဲ့ကြပါတယ်။

(ခ) ၁၉၄၇ ခုနှစ် မတ်လ(၃)ရက်နေ့မှ (၅)ရက်နေ့အထိ ချင်း-ဗမာ ချစ်ကြည်ရေးညီလာခံကျင်းပချိန်မှာ ဗိုလ်ချုပ်အောင်ဆန်း ကိုယ်စား ဒီးဒုတ်ဦးဗချို၊ ချင်းပြည်သူကိုယ်စား ဦးဝမ္မသူးမောင်း တို့က ကတိသစ္စာပြုပြီး၊ ချင်း-ဗမာ ချစ်ကြည်ရေးကျောက်စာကို စိုက်ထူနိုင်ခဲ့ပါတယ်။

အထက်က တင်ပြခဲ့တဲ့ အချက်များဟာ မမေ့သင့်တဲ့ ချင်းအမျိုးသားနေ့အနှစ်သာရများဖြစ်တာကြောင့်၊ နောင်လာနောက်သားများ အမြဲတမ်းအမှတ်ရသိရှိစေဖို့ ချင်းအမျိုးသားနေ့ရောက်တိုင်း ထုတ်ပြောသင့်ကြောင်း တင်ပြချင်ပါတယ်။ “ချင်းအမျိုးသားနေ့ နဲ့ ချင်းပြည်နယ်နေ့ ဟာ လုံးဝသက်ဆိုင်ခြင်းမရှိပါဘူး”

၁၉၄၈ ခုနှစ်ကစပြီး၊ ချင်းဝိသေသတိုင်း ဖြစ်လာတဲ့ ကျွန်တော်တို့ ချင်းပြည်နယ်ဟာ ၁၉၇၄ ခုနှစ် ဇန္န၀ါရီလ (၃)ရက်နေ့မှာ ချင်းပြည်နယ်ဖြစ်လာပါတယ်။ ကျွန်တော်တို့ရဲ့ ချင်းအမျိုးသားနေ့ ကျင်းပခြင်းကို ချင်းပြည်နယ်နေ့အဖြစ်သာ ကျင်းပရန် ဖိအားပေးခြင်းခံခဲ့ရပါတယ်။ ကျွန်တော်တို့ ချင်းလူမျိုးများဟာ ဗမာစစ် အစိုးရက ဖိနှိပ်ချုပ်ချယ်ပြီး ဟန့်တားနေသည့်ကြားက နှစ်စဉ်ကျင်းပလာခဲ့ကြတာဟာ အမျိုးသားရေးစိတ်ဓါတ် ခိုင်မာလို့ဖြစ်ပါတယ်။ ကျွန်တော်တို့ရဲ့ ချင်းပြည်နဲ့ ချင်းလူမျိုးကို စောင့်ရှောက်ထိန်းသိမ်းကာကွယ်ကြခြင်းပဲ ဖြစ်ပါတယ်။

၂၀၁၂ ခုနှစ် ဇန္န၀ါရီလ (၉)ရက်နေ့မှာ CNF နဲ့ အစိုးရတို့ရဲ့ ကတိစာချုပ်အရ ချင်းအမျိုးသားနေ့ကို တရားဝင်ပြန်လည်ကျင်းပခွင့်ရပြီး၊ ချင်းပြည်နယ်တွင် ရုံးပိတ်ရက်သတ်မှတ်နိုင်ခဲ့ပါတယ်။ တစ်ချိန်က နိုင်ငံတော် ၀န်ကြီးချုပ် ဦးနု က ချင်းအမျိုးသားနေ့ အခမ်းအနားကို တက်ရောက်အားပေးခဲ့သလို၊ ဒီနှစ် ၂၀၁၅ ခုနှစ် ဟားခါး မှာ ကျင်းပမယ့် ချင်းအမျိုးသားနေ့အခမ်းအနားကို သမ္မတကြီး ဦးသိန်းစိန် ကိုယ်တိုင်တက်ရောက်အားပေးမှာ ဖြစ်ပါတယ်။ ဒါကို ကြည့်ခြင်းအားဖြင့် ဘယ်လို အပိတ်ပင် အတားအဆီးများစွာရှိနေခဲ့ပေမယ့် ကျွန်တော်တို့ ချင်းလူမျိုးများရဲ့ လူမျိုးရေးစိတ်ဓါတ်ကြောင့် နိုင်ငံတော်အစိုးရကိုယ်တိုင် ကျွန်တော်တို့ရဲ့ ချင်းအမျိုးသားနေ့ကို အသိအမှတ်ပြုခြင်းဟာ ထင်ရှားနေပါတယ်။

ကျွန်တော်တို့ ချင်းလူမျိုးများဟာ ချင်းအမျိုးသားနေ့ကို နှစ်စဉ်ကျင်းပခြင်းဖြင့် အမျိုးသား အင်္ဂါရပ်ကို အသိအမှတ်ပြုခြင်း၊ သမိုင်းကြောင်းအဖြစ်မှန်များကို ပြန်လည်ဖေါ်ဆောင်ခြင်းဖြင့် မျိုးချစ်စိတ်မွေးကြပြီး၊ စည်းလုံးညီညွတ်ကြပါစို့လို့ တိုက်တွန်းအားပေးလိုက်ပါတယ်။

 

By Pum Za Chin

Scroll to Top