Ramdangmi Caah Rian Kawlnak Website

0 Comments

Norway um ramdangmi hna nih, kanmah he ai pehtlaideuhmi le, kan ttuan khawhbikmi rian kawl fawideuhnak caah website pakhat an ser. Cu website cu www.inkludi.no (inkluderendebamanning) asi i, rian kawlnak website dangdang bantuk in a hman a fawi hlei ah, ramdangmi he ai pehtlaideuhmi rianlawng pawl an khawmh hna i an taarnak website pakhat asi caah kan duhmi, kanmah he ai pehtlaideuh mi rian kawlnak ah a fawi ter deuh ngai ngai. Rian kawltu nih hi website ah a hmangtu (user) sidingin minkhumh (register) tuah khawh asi, kan thiammi, cataang tibantuk  (CV) zong khumh khawh asi i, rian duhmi hna nih fawi tein an duhmi minung kawl khawhnak zong asi fawn.

Hi website tawlreltu / buu hna an rianttuan ning cu; ramdang background a ngeimi minung rian peek a duhmi silole a herhmi buu le zung hna kha an herh taktak mi minung hna kawl piak khawh ding ah le, ramdang rian a kawlmi hna kha an duhmi rian thengtheng a umnaak hmun fawideuh tein an hmuh khawhnaak caah a kawlpiaktu, a ttuanpiaktu buu, zung an si.

Atanglei rian hmunhma hna ah a lawngmi rian pawl an kawl khawh:

  • IT (information Technology)
  • Ingineer (Ingeniør-yrke)
  • Cawtu/hmangtu chawnbiatu le mi bawmtu rian (Kundeservice/Support)
  • Uknak lei le zung rianttuannak (Administrasjon og kontor)
  • Phaisa kong le cazin tuahnak rian (Økonomi og regnskap)
  • Thilfimnak, mi bawmtu rian (Lager og logistikk)
  • Thilzuar (Salg)
  • Ngandamnak, mi umpi-zohkhenh rian (Helse, pleie og omsorg)
  • Inn/zung hngah/zohkhenh (Vaktservice)
  • Inn phiah/thianh (Renhold)

 

 

Categories: