Norway le USA Karlak Buainak

Oslo khua USA tanzung

Tulio Norway ramchung thawngpang hna lakah mi lung a lutbikmi cu, America cozah nih fialmi  Norway minung buu (Surveillace detection Program SDP tang ah) nih Norway minung pawl an cawlcanghning kha Norway cozah sinah thawngthanhnak/nawlhalnak um loin athli tein a tuah hna timi kong asi.

Kum 1998 ah Kenya le Tanzania ram hna ah terrorist nih American tanzung bomb an puah hnu in, American cozah nih phaisa billion dih in an ram tanzung pawl kha kirven hram a hun  thawk, a phunphun in terrorist pawl riantuannak theih khawh anmah lila kha tlaih khawh nak ding ah program an si. Cu program he pehtlai in Norway ah minung dawthlahnak an tuah ve. Riantuanpiaktu an thimmi hna ah palik bawi hna zong an i tel, Oslo ah zung pakhat an ngei i, an zapitein 15-20 kar hrawng an si ko lai tiah TV2 nih a phuan.

Tubantuk in mi ramdang ah ram minung hna a tlithup in ngiathlai tik ah, ngiathlainak an tuahnak ram cozah hna sin ah hnatlaknak hal ta  ahau hnga, cun lakhruak thil a chuah hmanh ah cu tin kan cawlcang lai tiah thawngthanhnak tal cu tuah ta a hau. Kha bantuk in tuah lo i, mi ram chung ah luh riangmang in an ram minung hna kha a tlite in ngiathlai cu, ram pakhat kha upat lo asi pin ah ram pakhat nawlngeihnak kha zei rello bantuk ah ruat khawh asi caah a serious ngaimi kheis pakhat asi.

Mi an ngiatnak hna zung
Mi an ngiatnak hna zung

Hi kong he pehtlai in USA lei in thawngthanhnak biachuah an tuah lio ah Norway thawngpang tialtu pawl nih biahal nak an tuah hna. “ Norway minung pawl a thli in cozah thawngthanhnak umlo in nan ngiathlai hna tih ? “ timi biahalnak an tuahmi hna ah biachimpa nih  alehmi hna cu: “ Cozah theih lo le nawlngeihnak um lo in kha bantuk rian kan tuan bal lo, Norway lawng asi lo ram dangdang zong ah cozah nawlngeihnak cu a um ta a hau” tiah a leh hna. Cu bialehnak nih milung tuaiter chinchin. Aruangcu, Norway ramdang kong tlaitu zung pi nih USA nih hi kong ah zeibantuk nawlngeihnak le thawngthanhnak   hmanh an tuahmi kan theih khawh tawk ah aum lo an ti ve. Norway lei in hi kong a theitu hna hi palik zung asi i, anmah lila zong kha mihlattu ah hmanmi cu an si.

Biahalnak a chuakmi cu, cu ti  asi kawn ah cun, USA cozah maw lih bia a chim, siloah Norway cozah dah lihbia achimmi an si ne? timi biahalnak hi an buaipibikmi asi. Silole, palik nih an theih ko tung ah zeiruangahdah ramdanglei vuanci zung nih a theih hnga lo, a karlakah zeibantuk palhnak dah aum? timi bialnaknak pawl an um len. Hi kong a chuah caah, Norway ramdang lei vuanci zung nih a rannak in,  American tanzung riantuan kha an auh colh in thil sining kong hrilhfiahnak an tuah ter colh ti asi.

Photo: norges-bank.no Tihni te kha, Norway Central Bank executive board tonnak
Photo credit: Tha Hlei Cung Na min le na kum, na
1. Bu (Org) pakhat sinah bawmhnak na duh zat peek khawh asi. Nain, cozah nih
(Atanglei biaruahnak hi CND 2017/2018 Committee, Rogaland, Information Committee member pakhat asimi Vaal Mang Bawi Lian
CCN nih kan in remh piak lai. Na mawtaw EU Godkjent na tuah i an

Comments Closed

2 thoughts on “Norway le USA Karlak Buainak

  • November 5, 2010 at 8:10 am
    Permalink

    Tuchun thawngpang chuakmi; USA nih hi case kong fiangdeuh in ai hlat khawh hlan cu, Norway ah an riantuannak(mi ngiathlainak) program cu kan ngawl chung rih lai tiah, Norway ramdanglei vuanci Jonas Gahr Støre sin ah biakamnak an tuah ti asi.

  • November 5, 2010 at 8:41 pm
    Permalink

    Nangmah ttheo hi thawngpang thanhtu cu na si ko hih. Kan zuam piak lengmang ko. Na thawngpang ttialmi kan rak rel lengmang.

Comments are closed.