Unity, Integration, Integrity, Self- reliance
Friday September 21st 2018

Asylum Kong ah Norway Nih an Thlenmi Thil Pakhat

European Union members hna ah Asylum a sokmi hna kong he pehtlai in hnatlaknak zulhphung an tuahmi pakhat aum i cucu Dublin Regulation (Dublin phunglam biakhiahnak) tiah an ti. Hi zulhdingphunglam nih ai timhmi cu;

– Dornak a sokmi (Asylee) pakhat nih EU ram pakhat nak tam ah dornak  a sok lo ding kha asi.

– Cun a pahnihnak ah EU ram pakhat hnu pakhat in dornak a kawlmi hna nih duh poh in an i thlen khawh lonak ding caah asi fawn.

Hi phung nih a chuahpimi cu, Asylee pakhat nih EU ram ah a rak luh ah cun a luh hmasatbiknak ram ah dornak a sok  a hau cang, cu ti a sok lo i, ramdangdang ah asok ah cun, cu a soknak ram hna nih ahmasabik a luhnak ram pakhatkhat poh ah khirh than ding asi.

Norway cu theih bantuk in EU member asi lo. Nain hi Dublin hnathlaknak tu cu min a thut ve. Hi bantuk zawn tete ah amah lawng in a dir awk a that lonak tete, an si ve caah Norway ram chung ummi hna zong nih EU le Norway ai pehtlainak hri tete kan theih khawh ah cun thahnem santlai ngai ding asi. Bianaah, Schengen agreement le European Economic Co-operation (OEEC) tibantuk hna zong ah member an lut i EU ram hna he riantuan ti nak khuakhan tinak an ngei kho.

Dublin Zulhding kong ah Norway nih an thlenmi

Dublin hnatlaknak zulhding phunglam kong he pehtlai in Norway nih an thlenmi pakhat te cu, Greek ram (Dublin chungtel) an phanh hnu ah Norway a rak lan i Norway ah dornak a halmi hna kha cu, Norway ram UDI (Immigration Department) nih an case zohpiakding/biakhiahnak tuahpiak ding in ramdanglei zung nih nawlngeihnak thawng a chuah. Cucaah, Greek ram luh hnu ah Norway a rami hna Asylee pawl cu, Greek ram an an kherh than hna lai lo tinak asi. Dornak NW ah an sok kho i, an hmuh ah cun NW ah umnak nawl an pek hna lai i, an hmuh lo belte ah cun, upadi ning in khirh than/tlunter asi tawn.

Source:  Justice and Police Department Press Release ( Octorber 12, 2010)

Photo credit: Tha Hlei Cung Na min le na kum, na
(Atanglei biaruahnak hi CND 2017/2018 Committee, Rogaland, Information Committee member pakhat asimi Vaal Mang Bawi Lian
CCN nih kan in remh piak lai. Na mawtaw EU Godkjent na tuah i an
Norway ah Chinmi tampi umnak Rogaland ah Chinmi upa 31 tluk telin 'ton biaruahnak' cu
  Norway Chin Christian Youth Federation tawlrelnak in 2017 Summer chungah concerts hmun 4 ah