Tu tiangah nau kum 1- 3 tiang, mucu kai loin inn ah zohkhenhmi hna caah bawmhnak pek asi tawnmi (Kontantstøtte) cu hmaikum August in cun, nau kum 2 tiang lawng pek asi cang lai tiah thawng theih asi. Kontantstøtte hi thlakhatah mucu a kai baklomi hna caah NOK 3300 hrawng hmuh tawn asi, i mucu zeimawzat a hmumi hna caah hmuhzat ai dang cio hna.

Hi ti hin, upadi ai thlen tikah khat lei kam in mucu sianginn luhkhawhnak covo umtuning zong thlen asi ve lai ti asi. Cucu, kum 2 a tling cangmi nau hngakchia hna caah mucu luhkhawhnak cu covo pakhat ah an serpiak ve hna lai- hmunhma hmuhlo a um lai lo. Kum hnih tling nau poh mucu ngah  ding caah cozah leiin mucu sianginn 1160 tiang an sak chih lai. Mucu karhnak caah ṭuanvo ngeitu kommune pawl zongah bawmhnak million 91 fai an pek lai ti asi.

Nau thla 13- 18 tiang caah inn umhman cu NOK 5000 ah a kai lai, thla 18- 24 tiang hna caah cun hlan ning khan asi lai.

Kontantstøtte hi August 1998 ah, a voikhatnak Bondevik (Krf) cozah nih an rak thawk i, kum khat tiang hngakchia mucu a hmu lomi hna caah rak peek hmasa asi, a hnu deuh januar 1999 ah kum 2 tiang nau ca zong ah an hun tuah chih.

Ref:

http://www.imdi.no/no/Nyheter/2011/Endringar-i-kontantstotta/

http://www.tv2.no/nyheter/innenriks/politikk/avvikler-kontantstoette-for-10000-barn-lager-1160-nye-barnehageplasser-3603999.html

http://www.nav.no/Familie/Kontantst%C3%B8tte

Related articles:

1. UDI thawngthanh: Tukvuak-thlanglamhnak a tongmi nupi pasal pawl caah

2. Asylum Kong ah Norway Nih an Thlenmi Thil Pakhat

3. Ramdang Motor Lisen Kong ah Norway nih Upadi an Thlen