Pupa Minthang Raltha Hna Lennak Lairam

Dear,   Miphun hawile hna

Dam in nan um cio dih hna maw? Nan umnak hmun le nan khuasaknak cioah Bawipa nih thluachuahnak in pe ko hna seh. A tanglei cathluan tlawmpalte hi, “KA NU LAI RAM” timi hla na ngeih pah in ral rel te. A tangah ka van thil chih.

http://www.youtube.com/watch?v=nDtfPjFlZgs

PUPA MIN THANG RALTHA HNA LENNAK LAI RAM

A hlan lioah cun kan Lai ram cu ahohmanh nih rak uk lomi Lai ram le ahohmanh nih rak pen lomi Lai ram, zalongtein rak tlonlennak kan Lai ram dawh a si. Hlan kan Pupa ralṭha rual hna nih dirkamh hna kan Lai ram cu. Asunglawi bik an nunnak tiangin rak pe hna maw kan Lai ram caah tiin. Sihmanhsehlaw cuar raang (Vun raang) rual hna nih cun zeithei loin rak uk hna ee kan Lai ram cu. Miphun aa khat komi Lai miphun cu rak ṭhen dih hna ṭhenthum le ṭhenli ah maw.

Cheukhat cu India ram ah maw, cheukhat cu Bangladesh ram ah maw, cheukhat cu Kawl (Myanmar) ram ah maw tiin…, kan Lai ram cu rak samh dih hna. Hlan ah miphun fa lo Lai miphun cu atu ah cun khat le khat ko hmanh i ral cang hna maw aa thei bal lo bang. Unau kan si ti kha philh dih hna maw? Atu ah cun vun raang uknak tang in ngian tam Kawl rual uknak tangah tla thai cang maw kan Lai ram cu.

Laimi kan lungfim a cu cang, kan dir i kan ṭuan awk a si cang, kan ṭhut sawhsawh ko ding a si ti lo. Atu hi caanṭha na ngeih lio caan te a si. A hnuah ti ti hlah, caan nih an liam taak sual lai. Zingka (Zing niceu dawh) ni a chuak cang, rianṭuan dingah i thawh cang law it sawhsawh ti hlah. Atu hi ih sawhsawh ko caan a si ti lo, zaanlei ninem nih an liam tak sual lai. Atu caanṭha na ngeih lioah tho cang law kan Lai ram le kan Lai miphun caah ṭuan cang tuah. Ka nu Lai ram nih nang an herh.

 

Scroll to Top