29 June – 2 July tiang tuahmi Norway Chin Celhzuamnak ah item pakhat ah ai telvemi cu, Norway Chin Miss thimnak asi. Atanglei ah kan hun langhtermi kan far le hna hi, Norway Chin Miss ai zuammi hna an si i, Sweden leiah Norway aiawh in a kan kal piak ding zong an si hna. An kong theih aduhmi hna caah tiin tlawmpalte theihternak kan hun tuah ve hna.
Miss Slome Ni Lawm Sung
Norway Chin Miss 2016, Slome Ni Lawm Sung cu, Chin state, thantlang peng Zephai khua mi Pu Salai Za Hmung le Leitak khua mi Pi Sung Tang Hlawnceu hna i an fa le pa 4 lakah upabik asi. Kum 1997 December ni 11 ah Hakha khua ah a chuak. A tu a umnak khua cu Norway thlanglei pyine pakhat asimi Rogaland chung Egersund khua ah asi. Tukum sianginn kai tthan tikah khin, Dalande Videregående ah a kum thum nak (tang hleithum) a kai ding asi. 2016 Norway Celhzuamnak ah Miss Chin Norway a hmuh lawng siloin, Europe Chin Conference 2016 ah tuahmi Miss Europe Chin zuamnak zongah pakhatnak a hmumi asi.
Zeidah na huammi asi tiah kan hal i, amah nih, “Ka huammi cu hlasak le music phun phun tum, tileuh le hawikom he umtti te hna an si. Hmailei si ka duh mi cu biology lei i thiamnak neih a si.”
Kanmah Laimi le Laitlang caah na saduhthah?
Kanram Chinram ah Dainak taktak aum khawhding mi hi ka saduhtha asi. Cun Hngakchia kip nih sianginn ah ca an cawn kho ding sadhu ka that fawn. Kan Ram a thancho I kuatekip zong ah ti thiang dinding zatlak in an nei cio pin ah electick mei hang in an khuasak anuamh I athan cho ding hi sadhu ka that. Your vision about the Chin’s future or youth’s future? Chin youth/mino vialte nih kan umnak hmunkip ah fimthiamnak kawl le cacawnnak ah tlamatlin kho mi kan si pin ah pawcawmnak ah riantha te kan ngaih ding hi abiapi ka ti. Mah tein I bochanduhnak thinlung, self-confident le self-reliance neih I mah ke cung ah fel tein adir kho mi si hi atha ka ti fawn. Cun kan nu le pa le kan chuah semnak kansi ning hi phil lo tein kan I cin keng ding asi. Atu mino nih ramtha kan um nak hmuh ah riantha le income tha kan ngai ah cu..hi kan umnak ram ah nuamtein kan khuasak pin ah Kan Ram caah thatnak tampi kan tuah chih ding hi ka vision ngan bik cu asi.
Dawhnak (Beauty) timi hi zei khidah asi i zeitindah na hmuh?
Pumrua/tungtai ttha le mui dawh cu an i dawh bak ko. Pumrua/tungtai that lo zong ah thianghlim te le felfai tein aum mi cu duh an nungtukfawn. Thinlung thiang a ngeimi le midang caah tthatnak tuah aduh mi hna zong an i dawh ning te a um. Cucaah cun Beauty hi Pumrua/tungtai tthat pinah lungthinthiang le dinfelnak nunzia a ngeimi tiin ka hmuh ning asi.
Norway ram ah Chinmi pakhat si hi zeitindah na ruah?
Norway Chin cu –Kan nu le pa hna nih an chuah-keh-nak ram Uktuhna antha lo caah an rak kan phanpinak ram asi. Mipem kan si ko. Kan van atha i Norway bantuk ram ttha ah hin Chin Mino hna nih fimcawnnak le khuasaknak ah feltein kan hram kan i sialnak ding asi, hi ram ah zohdawh tein kan nun pinah kan Chin miphun sinak le nunphung philh loin zalong tein le nuamtein kan um nak ramtha asi tiin ka ruah ko.
Miss Daina Cinzah
Miss Daina Cinzah hi Pu Ceu Dun le Pi Fam Nawn hna i a fale pa thum lakah a hniangbik asi, Thantlang peng Vomkua khua ah a chuak. Stavanger khua ah anulepa unau le he a ummi asi. Sianginn tanghra a kai lio. Pathian nih pahrang (Talent) a kan peek rua tiah ai timi cu hlasak asi. Cun tuah a huammi cu Fashion, Pageant, Trening tuah, hla ngaih te hna an si. Hmailei ah sikho ning tiah ai tinhmi cu Nurse (Sykepleier) asi.
Miss zuamnak kan tuah mi Chung in keimah pum pak in Ka ruah ningah cun, a tha tuk tiah Ka ruah ko. Aruang cu kan lai nuhngak tete cawi San zg si tiah ka ruah. Si khawh ahcun tuah kho lengmang uhsih law da duh, Miphun pakhat kan si ve tikah mahbantuk te zong hi a herh ngaimi si ve ko tiah ka ruah. Cun mahbantuk Miss kan tuah tik ahkhin, hawinak in kan i dawh deuh tinak khi cu asi lo. Mah kan tuahmi nih khin Chinmi kan thenchonak zong asi ve tiah ka ruah. Khoika hmun poah nih tuah cio mi asi ve tik ah, ai zuam tu zong nih mi phun pakhat kan si ve ti lungput in le hawi nih an tuah cio mi kan tuah khoh ve lai ta ti lung put khi ruah ding in Ka hmuh!
Chinmi caah na saduhthah/chunmang zeidah asi?
Kan chin mino hna caah chunmang (Dream) ka ngeih mi cu, a pakhatnak ah Bawipa bochan bu tein nung kho uh sih law ti ka duh, cun kan Chinmi sinak kha philh loin, lai mi kan si ning tein nung kho mi cawl cang uh sih, ram dg nun phung a Tha mi kha lak thiam in Tha lo mi zg kha hrial thiam hna uh sih. Nu le pa upet zia thiam . Fimnak lei ah tei ma tein I zuam. Cun kan chin ram then chonak dgah Ka lei um lai mino hna nih lung rawlnak te he kan chin ram hi a dawh ter tu dg le mi Phun ram dg kan tluk khohnak hna dgah I zuam hna usih ti Ka duh ngai
Bawipa dawtnak thawngin ram Tha te zgah kan vun um ,a tam deuh lgmg hi cu Ka lei hin a thang deuh mi kan tam caah fimnak zg in siseh Thei hngelhnak lei zg in kan then cho ngai hna I kan lai ram cawisang kho tu ding .
Dawhnak timi hi nang zeitindah na hmuh?
Keimah nih Ka hmuh ningah cun a pakhatnak ah nu hrinnak mui hi a si. Apa hnihnak ah thinlung thiang te ngeih hi a si. Zei ruangah kan ti ahcun, kan lungthin le kan ruahnak nih, cunglei kan mui sam ah bia an chim ngai ngai tiah ka ruah. Cucaah, muidawh pakhat nih cun lungthin tha kan ngeih a hau. Cun hmaipenh tein um kho peng mi, um tu ziaza zong thiam, kan mui he a tlak ningin tamh mawih thiam, mah le tlak ning tein thil hruk thiam. Mah le mah zumnak ngeih. Cun exercise, ih caan hman te in tuah te pawl hi an si.
Norway ah Chinmi si hi nang zeitindah na hmuh?
Pakhatnak… Khrihfa kan sinak, a hnihnak ah Chinmi kan nun phung ning tein chiat ni ah siseh that ni ah siseh pakhat le pakhat kan i bawm i kan i kil veng hna, mah bantuk kan Chin nunphung hi Miphun dang zong nih an ngeih ve lomi ai dawh ngaimi kan nun ziaza si tiin ka hmuh. Kan nung phung thlau lo tein le Laimi kan sinak kha Norway mi sin kan um zgah kan si ning philh lo kha biapi tuk.
Miss Zu Zu Hlawnceu
Amah hi Froland (Augt-Agder, Norway) ah a chungkhar he a ummi asi. Apa Pu Za Hei le anu Pi Cing Cing Thluai hna nih an ngeihmi fa lakah a hniangbik asi. Sianginn tanghra akai liomi nungak te asi i, Pathian peekmi talent ka ngeih tiah ai ruahmi cu, Laam hi asi. Hla ngaih le Laam hna hi kan huammi an si tiah a chim. Hmailei ah zeidah ai timh tiah kan hal tikah Sibawi (Doctor) si ka duh a ti. Biahalnak tlawmpal a kan lehmi hna cu;
Chinmi caah na saduhthah (DREAM) ?
Kannih chanthar mino hna nih cun Chinmi kan holh kan idan cio hi pakhat le pakhat kan ithleinak si ti loin, Pathian nih holh dawhdawh le a phunphun pekmi kan si ti hi kan idawtnak bik le kan irual khawhnak caah lamkaltu kan si ti hi i timh cio bik usih law ka duh. Kan thiambikmi kanmah le Chin holh cio cu kannih chanthar mi hna nih chim le ttial thiam lawng siloin adang kan hawi Chin holh zong atlawmbik pakhat tal cawn khawh/chim khawh siseh law cu a ttha chinchin hnga. Laimi khrihfa chungah Buu tampi le phung le phai tampi kan ingeih cio ruangah buainak, idannak le ithlennak kan ngeihmi vialte hi atu in hmailei chan ahcun Pathian pakhat a zumtu kan si ruangah a chuakmi dawtnak le zumhnak pakhat in cu kan itlennak le kan idannak kha kan idawhnak bikl le kan tthawnnak bik hriam ttha hmang thiam in hmailei kal chin peng usih law ka duh. Kawlram chungah sifakbik a simi kan Chin ram le kan miphun cu abikin kannih chanthar mino hna nih FIMNAK le Dinfelnak in a thar ah sersiam khotu dingin Pathian nih ram ttha a kan phanh ter ti i ttuanvo a kan pek ti hi kan ifiang cio ah ka duh.
Miss Cherry Cer Sin Sung Nam
Amin ah Miss Cherry Cer Sin Sung Nam asi. Ahawi le nih ‘Cherry’ ti zong in an auh i, ‘Cerboih’ ti zongin dawhnak in an ka auh tiah amah nih a chim. Apa cu Pu Siang Ling Man asi i, anu cu Thang zing Nam ti asi i tulio hi Marnardal Kommune ah khua an sa hna. Tu sianginn akai liomi cu Påbygg asi i asullam cu, hmailei ah University kai ding kha ai timhmi cu asi. Ahuammi cu Lam, Carel le Tlangkai hna an si. Hmailei ah sikho ning tiah ai tinhmi cu Socionom asi i minung hna sinah rianttuan kha aduhmi cu asi. “Hmailei ah ka saduhthah cu, kan ram ah kir in, pitar/putar, mi dam lo hna caah zohkhenhnak inn (Sykehjem) tuah ka duh ko” tiah a chim.
Norway ah Chinmi kan si hi nang zeitindah na hmuh? (What is meant to be a Chin in Norway? )
– Vawleicung ram tthabik ah kan um i kan van a ttha tuk! (Veldig heldig å være i verdens beste land). Chin miphun cu mi tlawmte lawng kan si. Mah lak hmanhah mi ram ah kan um ih thansonak tampi kan ton/hmuh. An nih cu hlan piin kanmah miphun nakin an rak cangkang hmaisa cang. Cu a si tikah an um dan dawh tete zulh le cawn ding tampi a um, mah bantuk thiam in, kanmah culture nih kan ngeihmi nunphung dawh tam pi zong kilkoi a herh. Zoh le remh (Adjustment) tampi cawnnak hmun pakhat asi. Chinmi mitam deuh cu, Norway miphun hna caah santlai dingin lung i sehchihnak kan ngei, kan umnak hmun tthanchonak caah santlai kan si. Kan santlaihnak zawn tete hi, phunglam remhtu lei si loin, kan biaknak, kan nunphung le nun zia hna in kan langhter khawh deuh. Keimah zong mino ka si bantukin kan theih vemi cu, kanmah Chinmi nun zia le mansung biapi ah kan ruahmi hna kha an ton balmi an si hna lo caah, cawnawk theihtlak miphun pakhat ah kan i cang. Cucu san kan tlaihnak cu asi fawn tiah ka ruah.
Miss Ngun Hlei Zing
Amah hi Ulefoss (Telemark) ah a ummi asi. Tulio sianginn a kaimi cu tanghra asi. Ahuammi cu Fotball (bawlung chuih) asi. Hmailei ah si kho te ning tiah ai tinhmi cu, hngakchia lei he ai pehtlai mi riantuan asi.
(Kan hal lio asi)