Nizan TV2 thawngpang cahmai http://www.tv2nyhetene.no ah an ttialmi pakhat mi lung alut ngaimi cu, Norway ram ah aum ballomi a voikhatnak nu naak in pa an tamdeuh cang ti thawngpang hi asi. Statistisk sentralbyrå (SSB) cazin ning in nu naak in pa 1400 in an tamdeuh ti asi. SSB hi Norway ramchung statistic he ai pehtlaimi pohpoh a tlaitu cozah zung asi, amah nih ramchung mithar tum-kart ning, le a tlangpi in chim ah cun Norway ram chung thil umtuning vialte cazin a tlaitu cozah zung nganbik pakhat asi.
Pa an tamdeuhnak aruangbik ah ruahmi cu, ram chung a rak lutmi tamdeuh hi pa deuh an si caah asi ko ti asi. Aluan cia kum 5 ah cun pa naak in nu a tlawmbik 35, 000 in an rak tamdeuh- cunih a langhter mi cu, kum 5 chungah pa 35, 000 nak tam kan karh tinak asi. Kanmah Chinmi kan tambiknak ti khawh asi mi Rogaland ah khin pa cu an tam khun i, 5600 in an tamdeuh ti asi- pa pawl tamtuk an hlei !