Notice: Function _load_textdomain_just_in_time was called incorrectly. Translation loading for the wp-statistics domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /customers/4/6/4/norwaychin.no/httpd.www/wp-includes/functions.php on line 6114 Notice: Function _load_textdomain_just_in_time was called incorrectly. Translation loading for the ultimate-addons-for-gutenberg domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /customers/4/6/4/norwaychin.no/httpd.www/wp-includes/functions.php on line 6114 Notice: Function _load_textdomain_just_in_time was called incorrectly. Translation loading for the astra-addon domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /customers/4/6/4/norwaychin.no/httpd.www/wp-includes/functions.php on line 6114 Falam Peng ah Khualtlawng Mawṭaw (Jeep) ai Let, Minung Pahnih an Thi

Falam Peng ah Khualtlawng Mawṭaw (Jeep) ai Let, Minung Pahnih an Thi

By /
Falam (Chin ramkulh):    Chin ramkulh Falam khua le Rihkhawdar karlak a hlatmi khualtlawng mawṭaw(Jeep) cu 08.02.2012 ni ah ruahlopi in aa leh caah khualtlawngmi minung(2) nunnak a liam tiah thawng kan theih.

Khualtlawngmi minung (16) nih an i citmi jeep mawṭaw cu Falam khua in 08.02.2012 ni zingka in a chuak i, suimilam 09.00 am hrawngah a brik a poh ruangah lamthlang hor chungah a tlak hi a si tiah theih a si.

“Mawṭaw a brik a poh ruangah lam kilkawi zawnah a chak mer manh a si ti lo caah hor chungah a tla” tiah ramri ah a ummi khuami pakhat nih a chim.

Cu mawṭaw aa lehnak ruangah cun Falam peng Ngalti khua in Pu Kio Ling (58) le Hnahthial khuami Khuangsailo cu mah ai lehnak hmunah cun an thi colh i minung (6) an i hliamkhawng tiah theih a si.

A thimi Pu Kio Ling i a nupi zong a El a kiah caah Falam khua siizung ah an kalpi tiah an chungkhar a simi pakhat nih a chim.

Atu i aa letmi mawṭaw(Jeep) ngeitu cu Pu Hrang Lawm a si i, atu hi a mongtu pa cu a zaam tiah theih a si.
Scroll to Top