Coronavirus akarh ruangah Ram tampi cu asen ah chiah an si cang
Coronavirus akarh ruangah ram tam nawn cu aihre in asen lei ah chiah an si. Asen in chiahmi ram pawl hi ram pakhat I minung 100 000 chungah minung 20 nak tam deuh nih corovirus zawtnak an ngeih caah, le aluancia mi zerh hnih chung i an test mi hna chungin 5% nak tam deuh nih coronavirus zawtnak an ngeih caah asi. Atanglei ram hna hi (23.08.2020) in a sen ah chiah an si
- Irland,
- Storbritannia,
- Hellas,
- Østerrike,
- Danmark ( khua tam nawn ah)
Cun Tyskland og Liechtenstein zong asen ah chiah dingin ceih lio pi asi. Atang lei hi click law asen le aihre in chiahmi ram vialte zoh khawh asi.
Asen ram ah na tlawn ahcun Norway na rah kir tthan tik ah ni 10 chung karantene ah na um hrim ahau. Zawtnak na ngeih le ngeih lo na test i na ngei lo timi a phi chuah zongah ni 10 chung karantene ah na um hrim ahau.
August 01-16 karlak ah Norway um minung zawtnak test mi hna chung in minung 730 nih coronavirus zawtnak an ngeih. Norway ram ah coronavirus in a zaw mi hi atutiang ah minung 10 400 hrawng an si cang, cun minung 264 cu coronavirus zawtnak in an nunnak a liam cang tiah theih asi.