Norway ah a pa 7 nak khua nganbik asi i, Chinmi zong a za dengmang kan um naak, Sandnes khuapi ah kan Chinmi asimi, Pu Thang Za Lian le Pi Thla Cer te chung (Shiny nu le pa) nih Asia eidin thilri tlingin cawk khawhnak dawr, amin ah dawtnak (Grace Asia Store- ေက်းဇူေတာ္ ကုုန္ဆုုံဆုုိင္) nganpi a an tuah.
Adang Internaltional eidin dawr pawl le Grace dawr ai dan khunnakcu, Burma in a rami eidin thilri tampi cawk khawh asi kha asi. Lephettoh, monghinkha le hotpot chuannak tibantuk pawl cawk khawh asi tiah dawr a kal cangmi hna nih an chim. Chinmi nih kan uar ngaimi “tisik anhnah phunphun; maian, anthur, hmanhhmuai le mahphek tiang in kan zuar chih, Burma le Chinram va tlun hau ti loin kan duhmi tirawl vuai tein ei khawh asi cang lai”, tiah dawr ngeitu asimi Pu Thang Za Lian nih thawngthanhnak a tuahmi ah rel khawh asi.
Eidin thilri zuarmi lawng siloin a dawr hmunhma hrim kha, khua laifang minung tambik an tlawnlennak lawng siloin motor parking zong ai rem ngaingai caah Sandnes bantuk khuapi chung i motor chiahnak kawl a harmi hmunhma ah hi bantuk hmunhma rem ah Asia eiledin cawk khawh asi mi hrim hi kanmah Asia mi hna caah le a bikin Burma in a rami hna caah lunglawm khun asi.
Chinmi nih kan ram ah phaisa kan kuat tawnmi zong Grace dawrin phung ning (Legal) tein direct in kuat khawh asi cang lai. Western Union money transfer zong an tuah chih lai tiah thawng theih asi. Cun thilri duhmi tete hna zong a lang in cah khawh asi lai tiah theih asi. A rate le thil umtuning zong anmah dawr phone in hal khawh peng asi tiah theih asi. An dawr telefon number cu: 51624462 Mobile: 40091926 / 40091937 asi.
Norway company pawl register tuahnak Brønnøysund ah a tanglei bantukin an dawr konglam hmuh khawh asi.
Organisation no: 913 943 899
Company min: Grace Thlacer Lian AS
Organisation form: Aksjeselskap
Address: Røyskattveien 11, 4329 Sandnes
Register tuahnak nithla: 10.09.14
Company ai awhnak nithla: 16.06.2014
Managing Director/board chairman: Grace Thlacer Lian
Board Member: Tluang Peng
Source: http://w2.brreg.no/enhet/sok/detalj.jsp?orgnr=913943899