CCN, NCCF le NCCYF Upa Tonnak An Ngei

Norway um Chinmi huap in kan i hruainak buu asimi CCN (Chin Community in Norway), NCCF (Norway Chin Christian Federation) le NCCYF (Norway Chin Christian Youth Fellowship) upa hna cu December 16 zanlei, Stavanger khua, Pu Van Thang te inn ah tonnak le biaruah ttinak kan ngei hna.

Biapibik in ceihmi hna cu, Norway Chinmi hna nih kan rak tuah tawnmi,’ lentecelh in i hawikomhnak’ cu CCN nih tawlrel ding in peek le riankhinh asi cang caah, CCN upa hna nih zeitindah kan tawlrel lai timi kong ah ruahnak hal/chuahnak le Europe ram hna ah khua asa mi Chinmi hna zong nih rak tuah tawnmi, ‘Lentecelh in i hawikomhnak’ cu Norway ah tuah kho ding in EU Chin upa hna nih ruahnak le duhnak a um caah zeitindah kanmah Norway ummi Chinmi leiin kan ruah/tawlrel ve lai timi kong kha biatak tein ruahnak chuah le ceih cu asi.

CCN upa lei in Peter Sang Lian Thang (President), Pastor Pum Za Chin (Vice President), Pu Van Thang (Secretary) le Pu Hmun Cung Nung (EC member) hna an i tel kho i, NCCF lei in Pastor Ceu Mang (Consultant)  le NCCYF lei in D. Cung Cem Bik (Chairman) le Ral Siang Mang (Secretary) hna an i tel kho hna.

Meeting Record hika (Pdf) ah rel khawh asi.

 

Scroll to Top