1. Motor ngeih man (årsavgift) cu a luancia kum hna naakin tlawmpal a ttum deuh. 3185 kroner in 2820 ah an tthumh.
2. Fale zohman (kontantstøtte) a luancia kum hna naakin a kai deuh. Kum 1-2 kar fale mucu (barnehagen) ah na chiah lo, an ngahlo ahcun, thla khat ah 7500 Kroner na hmuh cang lai. Kum dang ahcun 6000 kroner peek a rak si.
3. Fa hrin, kum 15 tang fa i cawm tikah peek tawnmi (engangsstønad) cu 2016 ah 46, 000 kroner asi nain, January 1, 2017 thawkin cun, 61, 120 kroner ah a kai. (Foreldrepenger a hmu lomi lawng engangsstødnad hmuh khawh asi. Atlangpi cun rian ngei lo pawl caah asi).
4. 2017 thawkin mihar bawmhnak (sosialstøtte) a lami na si i kum 30 tang na si rih ahcun, hlan bantukin um sawhsawh a ngah ti lo, cawlcanghnak (aktiviteter) pakhatkhat telter na si cang lai. Cawlcanghnak tuah termi ah i tel lo- zawtfah le poipang a ruang dang um lo ahcun- tikah, bawmhnak a zawr lai.
5. Bu pakhat khat sinah bawmhnak na duh zat peek khawh asi. Nain, cozah nih hi tiang pek ahcun, a kirtthan (fradrag) hmuh khawh asi an timi tuak zat a um. Cuhlan ahcun kumkhat ah 25,000 kroner a rak si, 2017 ahcun 30, 000 kroner tiang an kaih. Chim duhmi cu 2017 chungah 30, 000 kroner tiang na peekmi cu, zeimawzat a kir tthan lai tinak asi.
6. 2017 thawkin, cuhlan Norway Rampi krihfabu (statkirke) a dirhmun cu zumhnak bu dang bantuk cio lawng a hun si cang (1536 thawkin statkirke arak si). Biaknak le Rampi hruainak tthennak (Separation of Church & State) fiang deuhin ai hun i thlek tinak asi. Hi kong phunghram hi 2012 ah an thlenmi asi- statkirke cu folkekirke tiah a dirhmun an thlen. Nain 2017 thawkin cun, statkirke rianttuantu vialte cu cozah rianttuantu (offentlig ansatte) an si tilo i, anmah krihfabu tangah a ttuanmi (ansatte) an si cang lai tinak khi asi. (relchap-http://www.lawandreligionuk.com/…/separation-of-church-and…/)
7. January 1, 2017 thawkin, kum 18-57 kar mi pakhat nih Norway rammi sinak (Statsborgerskap) sok tikah, holh a chim (muntlig) a tlawmbik A2 level le Norway nunphung kong test (statsborgerprøven) a lim/awn a herh. December 15, 2016 hlanah soknak ca a ttial dih cangmi le phaisa dihmi zong a pe dih cangmi na si ko nain, palik zungah tonnak caan na hmuh lo ruangah, soknak na ap khawh lo sual belte ahcun, January 1, 2017 hnuah soknak na ap zongah phung thar nih an hreng lai lo.
Phung thar nih a hren rih lomi hna cu;
# Norway ungdom/videregående sianginn ah nunphung cawnnak (samfunnsfag) a rak cawng i, buaktlak hmak (standpunktkarakter) peektlak na si ahcun. Hmak hmuhnak catlap ap a herh.
# Norway university/høyskolen pakhat ah norsk samsunnsfag atlawmbik studiepoeng-10 a cawng cangmi na si ahcun. Hmak hmuhnak le cawnmi kong ai ttialmi catlap ap a herh ve.
# Fakpi le caansau zawtnak a ngeimi na si ahcun phung nih an hreng ve lo, nain na zawtnak a langhtertu sibawi catlap na ap ve a herh.
# Silole biapi tukmi le poi tukmi thil sining pakhatkhat ruangah “test” na tuah khawh lonak langhter a herh. Ca in fiang tein langhter khawh aherh.
# Kommune pakhat nih a luanciami ah samfunnskunnskap cawn lo dingin le test lim hau lo dingin luat ter mi na si ahcun. Kommune nih kha bantukin an in awlhnak catlap ap chih a herh. (Fiangdeuhin relnak: https://www.udi.no/…/nye-krav-for-de-som-skal-soke-om-nors…/ )
NOTE: Careltu dangdang zong nih theih herh tiah nan ruahmi phung ai thlengmi dang hna um rih ahcun, kan chappiak chih te uh! Palhmi hna um sual zongah ka remh piak te uh tiah kan nawl hna.