N
orway Immigration (UDI) nih kum 2011 kum cheu a kal cangmi chung ah, background phungphun in a rami ramdangmi milu cazin thawngthanhnak a tuah cang. Kum tin ram chung a rak lutmi hna milu le background zoh tik ah kumkhat le kumkhat ai loh lo nak tete zong an um. Chinmi tamdeuh bantuk in quota refugee (Thimmi refugee) in a rami an um ve bantuk in sianginn kai, rianttuan, dawrnak halmi tibantuk… in a ruang phunphun in an rak cio hna. Hi report chung in theihawk ttha tete a tangleiah kan hun thanh chin ve.
Rianttuan ah a rami
Minung 1 675 nih rianttuannak nawl an sok, i 1 222 (73%) nih nawl an hmuh. Mitam bik a rami ram hna cu, Russia ( 159), India ( 144), Kroatia ( 90) an si.
Dawrnak a sokmi (Asylum Seeker)
Tu kumcheu chungah dawrnak a sokmi, 4 649 an si ( hi lakah kum tling lomi 417 an i tel) , tukum chungah 11, 000 cu an tling lai tiah tuaktan cia asi. Hi zat chungah tutiang umnak nawl pek cangmi hna hi 2 414 ( 50%) asi.
Sianginn kai a rami ( Student VISA)
Sianginn kai ra ding in a sokmi 1 455 lakah 1 391 ( 96%) nih an hmuh. Tambik a rami hna ram: China ( 368), USA ( 180), Russia ( 160) an si.
Khual lengkai (tourist visa)
Kum cheu chungah Norway ah tlawnkai duhmi/sokmi minung 67 718 lakah 61 087 (95%) nih tlawnkai khawhnak nawl an hmuh. Norway a rami mikhual tlawngkai lakah tambik cu; Russia ( 23 547), China ( 10, 600) le Phillipine ( 4 861) an si.
Chungkhar ruangah a rami hna (Familieinnvandring)
Nupi-va, nulepa, unau tbk… Norway a ummi hna ruangah umnak nawl a sokmi hna 8, 668 lakah 5 737 (70%) nih an hmuh. Tambik a sokmi hna ram: Thailand ( 572), Somalia ( 478), le Phillipine ( 461) an si.
Norway rammisinak hmumi cazin ( Statborgerskap)
Rammisinak sokmi 8 318 lakah 6 220 ( 75%) nih an hmuh. Norway rammisinak tambik hmumi hna ram cu; Somalia ( 943), Afghanistan ( 623) le Iraq ( 435) an si.
———————————————–
Report kumcheu ta lawng a chuah rih caah, ram dangdang (bianaah Burma/Myanmar rammi hna kong) tibantuk hmuhkhawh asi rih lo. Cattialtu theih/kawlkhawh tawk ah hmuh rih lo bia zong a si kho)