Atu hrawng cu Covid-19 a karh ngai tthan caah corona zulhphung faak ngaiin an hun rengh tthan. Atanglei hi tuchun ah kan cozah nih zapi sinah thawngthanhnak an hun tuahmi a si. Zulh dingah a ttha tiah ruahnak peekmi (anbefalinger) le zulh hrim ding phung (regler) tiah an tthen hna. March 25, kiptuh in April 12 tiang, a karlakah thawngthar a um lo ahcun, hman ding phung pawl an si. Atu kan thanhmi ruahnak peekmi le zulhphung pawl hi rampi huapin zapi caah tuahmi a si, na umnak kommune zulhphung nih phundang a chim ahcun khakha na zulh ding cu a si lai.
𝙕𝙪𝙡𝙝𝙥𝙝𝙪𝙣𝙜 𝙩𝙝𝙖𝙧 (𝙉𝙮𝙚 𝙧𝙚𝙜𝙡𝙚𝙧)
Ram pumpi in dawr ah zu din an khap (forbud mot skjenking av alkohol).
Zaran (pawcawmnak in a tuahmi pawl telhlo) kumtling upa innchung pum cawlcanghnak (idretts-og fritidsaktiviteter) vialte an khap.
Trengsenter pawl an khar, nain, kommune pakhat chung ummi pumpak ngandamnak thlawpbulnak kong he aa pehtlaimi cu on khawh a si.
Tilionak zong an khar, nain, ngandamnak tlawpbulnak kong he ai pehtlaimi hna caah cun an on piak hna.
Lentecelhnak hmunhma pawl zong an khar.
March 29 thawkin, a herh tuk lomi kongah ramleng a tlawng i, a rak tlung tthanmi pawl cu hotel ah ‘hren caan’ chung vialte hren an si lai.
Pumhtonnak (arrangement) vialte tuah lo dingin ruahnak peek a si. Tuah lo awk ttha lomi a si ahcun a tanglei pawl hi zulh ding;
❖ Innchung ah tthutnak tthial len hau loin pumh-ton khawh a simi hmun ahcun mi 20 tiang ton khawh a si.
❖ Innchung pum cawlcanghnak puai (idrettsarrangementer, kommune pakhat chung ummi tuahmi ai khatmi chungin kum 20 tang mino pawl tonnak a si ahcun minung 50 tiang onh a si.
❖ Innleng tonpumhnak (arrangementer) cu minung 50 tiang tuah khawh a si.
❖ Mithi ruakthlah/hmuh tikah tthutnak fiangfaiin tuahmi hmun ahcun mi 50 tiang tonpumhnak tuah khawh a si.
𝙕𝙪𝙡𝙝 𝙖𝙝 𝙖 𝙩𝙩𝙝𝙖 𝙩𝙞𝙖𝙝 𝙧𝙪𝙖𝙝𝙣𝙖𝙠 𝙥𝙚𝙚𝙠𝙢𝙞 (𝙖𝙣𝙗𝙚𝙛𝙖𝙡𝙞𝙣𝙜𝙚𝙧)
Mi pakhat le khat meter pakhat i hlat ding ti tawnmi cu meter 2 i hlat ding a si cang. Inn chung he innleng he tuah ding a si.
Hawi i lenkai tikah mi 2 cung i lenkai loah a ttha, a si khawh chungin hawi lenkai i sum rih ding. Leng cawlcanghnak tuah tik zongah mibu hrial khawh i zuam ding.
Zawtnak a karh tuknak khua/hmun i a ummi na si ahcun, zanrian lenkainak tuah loah a ttha.
Aherh tuk lomi ramleng khualtlawn lo ah a ttha.
Meter pa 2 tal i hlat khawhnak hmun a si lo ahcun, hmurhuh hman ah ttha.
Covid nai test i a result na hngah lio a si ahcun, lengah chuak loah a ttha.
Dawr kai na duh ahcun mah umnak kommune ah kai ah a ttha.
Inn in rianttuan awk a ttha lomi, sianghngakchia a sianginn kainak ah chungkhar a ngei lomi, mah chungkhar lawng he hytte zanriah ti bantuk lo, a herh lo huahami ah tlawnkai lo ah a ttha.
(𝑵𝒐𝒕𝒆: 𝑯𝒓𝒆𝒍𝒉𝒎𝒊 𝒉𝒏𝒂 𝒂 𝒖𝒎 𝒔𝒖𝒂𝒍 𝒂𝒉𝒄𝒖𝒏, 𝒔𝒊𝒍𝒐𝒍𝒆 𝒑𝒂𝒍𝒉𝒎𝒊 𝒉𝒏𝒂 𝒂 𝒖𝒎 𝒂𝒄𝒉𝒖𝒏 𝒉𝒊𝒌𝒂 𝒑𝒐𝒔𝒕 𝒍𝒊𝒍𝒂 𝒂𝒉 𝒌𝒂𝒏 𝒓𝒂𝒌 𝒖𝒑𝒅𝒂𝒕𝒆 𝒕𝒕𝒉𝒂𝒏 𝒕𝒆 𝒍𝒂𝒊.)