Ferguson: Wayne Rooney He Kan Ichawn Le Man-United ah Um a Duh Ti Lo.

Rooney kong he pehtlai in Man U manager Ferguson cu journalist za renglo nih 19. Oct press conference ah bia an hal. Zeiruang ahdah Rooney le amah karah rem lonak a um, Rooney hi atu tiang contract thar a ttial lo tikah, a ra laimi January ah na zuar la maw? tbk. an hal. Rooney nih maw Man U hi kaltak a duh, Man U nih dah zuar hrim nan duh?

Rooney he kan itong, bia kan iruah le Man U in chuah a duhnak kong fiangte in a ka chimh, tiah Ferguson nih a ti. Ferguson le Rooney hi pafa bantuk in inaihniam ngai in a ummi an si i, atu ah fiangte in Man U chuahtak a duhnak a chimh.

– David Gill (Man U Director) cu Rooney Agent nih Rooney itthial aduhnak kong a chim ah a lau tuk, a khuaruah a har. Ka zum kho lo, a ti.

An i zumh kho ve bak lo:
Mah hi thawngpang nih a ka deuh taktak ko, ka hnakhaw zong ka zum lo. Ka lung zong a fiang ve lo, tiah Ferguson nih Press Conf. ah cun a chim.

– Nain a fiangmi cu Rooney nih ithial a duh. Man U i a hawile dang zong a chimh cang hna. Hi tluk teinak tampi le tthatnak Man U caah a tuah hnu ah hi Club hin kai tthial lai a timi cu ka lung hi a fiang kho rih lo, a ti. Zeiruang ti zong, kan let kho hna lo. Nan duh paoh ruat ko uh, nain a ruang ka thei bak ve lo. Mi dang cio bantuk in ka khuaruah a har ve ko, tiah Ferguson nih a chim.

United cu Rooney caah on peng a si, bawlung chuihthiam pei a si cu tiah Ferguson nih a ti.

– HanRooney nih United in contract thar a ngah ko,  hawi hlei in amah caah kan ruah piak. Asinain David Gill nih a dang club nak in a tthadeuh mi offer a ngeih lai ka zumh lo ee, a ti.

– Rooney he kan iton lio ah a agent nih a chimmi kha, a chim tthan. I tthial a duh. A sin ka chimmi cu: «Thil pakhat hi theipeng: Hi club hi upat, na sin in a herh lomi bia theih ka duh lo. Hi club hi upat». Nai hrawng media rel tikah lung an uam lo, a ruang cu hi pa caah kan i khawh tawk kan tuah. Hika ka phak bak in, tutiang kan zoh khenh. Harnak a ton caan ah kan bawmh, keimah tiang nih phaisa a chambau nak ka bawmh i ruahnak ka pek a tam tuk. Mah cu Rooney ca lawng ah tuahmi cu a si lo. Mah hi club cu Man U a si. Hi club nih tradition a zulh, bawlung chuihtu le manager kar ah zumhnak, itheihthiamnak a um khawhnak ding a si. Wanyne cu Ryan Giggs, Paul Scholes, a dangdang hika ah sau a um cang mi hna bantuk in bawmhnak a hmuhmi ruang ah ai lawm pengmi a si, tiah petko in Ferguson nih chim.

Rooney le Ferguson karah zeithil dah um ti theih a si lo, nain thla khat renglo tthate in bia an i ruah ti lonak a si cang. Cu pinah Rooney nih Man U in ithial a duh.

England tadinca kip nih, a nupi naupawi lio i nungak a ngeihmi kong, zu le kuak tongh a hmanmi kong le garderoben ah a cangmi kong tampi an ttial. Nain Ferguson nih media nih an chimmi hi a si lomi bia a si, a ti lengmang. David Beckham bantuk in a dih ve te ko lai, tiah an sawisel.

– Rooney he kan isi bal lo, kan buai bal lo, tiah Ferguson nih chim..

foto: scanpix. Man U vs Man City

Man City a duh:
The Guardian ah Wayne Rooney nih Sir Alex Ferguson le Manchester United cu tihin bia a cah hna:

– Man City ah ka zuar ulaw ka duh ko.
Chelsea le Real Madrid zong hi Rooney caah club thar an si kho rihmi dirhmun an si, january thla in ai thei hnga. Man City nih £100million in cawk ding ah an ngamh, 50million cu transfer-man a si lai i 50million cu a lahkhah caah a si lai, tiah an tuak. Daily Mirror

Champions League ah Bursaspor he an chuih tik zong ah Rooney cu a chuih lo kho men. Rooney nih Skay news ah; Bursaspor he puai ah hin, ka chuih ding le chuih lo ding ka thei lo, a ti. Nain Ferguson nih; Rooney nih chuih a duh lo, a ti ve.

Abianek nawn in; Wayne cu ai khawng. A kereek ai khawn khan, nan philh maw? tiah mirh nawn in Ferguson nih chim.

Cc//db.no, Sky News, The Guardian (upadate tuah kan i zuam te lai.)

Scroll to Top