Dear Norway khuasa Chinmi vialte,
Nan dam cio hna maw? Kum hlun 2014 chung vialte damnak a kan pe I, kum thar 2015 zong dam tein kan phanh tertu kan biakmi Pathian a min thangtthat si ko seh!
Nan theih cio bang, kumthar nih a kan phorhmi cu tuah/ttuan ding thar tete an si. A pakhatnak ah, a ra laimi February 20 cu kan miphun caah a sunglawi tukmi “Miphunpi Ni” asi. CCN zong nih kan Miphunpi Ni cu, a upat ai hmaithlak bantukin, kum 2015 zongah Norway hmunhma pa 4 talah, CCN theihpinak he i tuah kho seh tiah timhtuah khuakhannak kan ngei.
A tlangpiin;
1. Rogaland & Vest-Agder
2. Nord–Norge
3. Oslo area
4. Aust-Agder & Telemark Area.
Acunglei hmunhma pa 4 ah tuah dingmi, National Day puai ah CCN min in biaphuan (CND statement) relnak, CCN kong theihternak, Norway ah mintthatnak laksawng hmumi, sianginn a dihmi tibantuk hna caah CCN min in ‘Lawmhpinak Roca’ peeknak tibantuk um kho seh ti hi kan i timhmi asi.
Khua le Area in CCN aiawh (representative) hna nih kan umnak khua/area le CCN aiawh um lonak hmun hnaah, zaanghlei cawiin, teinak hmumi, sianginn dihmi hna an min cazin nan rak laak cio i, February 15, 2015 hlanah keimah sinah thawng nan ka thanh cio naak lai toidawrnak he kan sawm hna.
Mipi lei zongin kanmah CCN upa te lawng rinh loin, min cazin khawmh le thawng i thanh ah rak kan bawm cio uh tiah thazaang peek kan nin duh ko hna.
Sang Cung Lian
President, CCN
Mob: +47 902 68 397
sangcunglian@gmail.com
chin_norway@yahoo.com