Thailand le Malaysia Tlawnnak VISA Sokning

0 Comments

Ṭhal caan kan hun phan ṭhan cang, kannih Norway bantuk khuasik ram ah cun ṭhal hi kan i ngaihbikmi asi tawn. Vawleicung khual a tlawngbikmi ram hna lakah kan umnak Norway hi ai tel ve; Thailand, Spain, USA le ramdangdang ah minung tampi cu sianginn khar/riankhar lio ah tlawn vah cio asi. Ram dangdang zong ah inn hna an ngei i, tulio bantuk ah an va um naak tawn.

Thailand le Malaysia hi Norway ummi kan Chinmi caah cun kan tlawnbikmi ram an si lai tiah zumh asi. Aruang tampi aum ko lai. Minung tamdeuh cu, Norwegian Citizen kan si rih lo caah VISA sok kan herh tawn. Cucaah a tanglei ah Thailand le Malaysia ram hnih tlawn tik ah a herhmi VISA sok ning kong kan rak ttial.

Norway a ummi na si i Norway rammisinak (Citizenship) na ngeih cang ah cun, VISA sok hau loin Malaysia le Thailand thlawn khawh asi.  Norway rammisinak na ngeih lo ah cun, VISA sok a herh. A sokning fianternak a tanglei bantuk in zohkhawh asi.

Thailand

Norway citizen a ngei cangmi nih ni 30 chung (thlakhat) VISA hau loin um khawh asi, mahnaak tamdeuh um duh belte ah cun, VISA sok a hau. Refugee passport a hringmi ai tlaihmi hna caah cun VISA sok a herh. VISA peek tik ah ni 90 chung umnak nawl VISA peek tawn asi.

VISA na sok tik ah a herhmi:

1. Na passport ( A tlawmbik thla 6 a nun a herh)

2. Na passport kopi ( Hmanthlak ai telmi cahmai le umnaknawl/rianṭuannaknawl cahmai ai telmi)

3. Soknak fom catlap pa hnih

4. Passport caah hmanmi hmanthlak tia pa hnih

5. Vanlawng tiket kopi

6. VISA soknak caah phaisa a dihmi zat ( a phaisa catlapin cakuatbawm ah rawn chih ding) [250 Kr,  1 April 2011]

 

Acunglei a herhmi vialte tlamtling in na khawmhkhawh hnu ah, cakuat bawm in ṭha tein hmunkhat ah na rawn lai, a himbik lai tiah na ruahmi cakuatnak phun na hman lai I, atanglei address ah na kuat lai.

Silole hi phone in chawnh khawh an si: +47 2212 8669, +47 2212 8670

The Royal Thai Embassy

Eilert Sundts gt. 4

0244 Oslo

Download Thailand VISA Form

 

Malaysia

1. Thla 6 nungmi passport le passport kopi (hmanthlak ai telnak catlap zawn le umnak nawl cahmaipawl ai telmi)

2. Passport caah hmanmi ai lomi hmanthlak pa hnih

3. Rianṭuannak, sianginn kainak tibantuk nih na kong ṭialnak (rian a ṭuan, sianginn kaimi asi tibantuk), nangmah nih na ngeihmi rian (company) a ṭuanmi na si ah cun, rian ngeihnaak lisen na langhter chih lai.

4. Malaysia lei in an sawmtu a um ah cun, sawmnak ca na telh chih lai. An sawmtu kha Malaysia minung asi ah cun, a ID card kopi le ramdangmi a si ah cun a passport kopi hna kha sawmnaak ca he cun tanzung (embassy) ah fak in kuat chih ding.

5. Thla 3 chung phaisa lutnak a langhtermi bank phaisa lutchuak catlap (Malaysia na um chung phaisa hman ding na ngei ko ti langhter naak caah a herhmi asi)

6. Kirṭhannak vanlawng tiket kopi

7. VISA fom pa 2 kha tling tein na phih ding lai i min na thut hnu ah a tanglei address ah na kuat hna lai.

Embassy phone chawnhnak: + 46 87917690

Embassy of Malaysia

P.O. Box 26053

100 41 Stockholm

Download Malaysia VISA form

 

Categories: