Suu Kyi Chuahni Lawmhnak Cakuat Facebook ah

0 Comments

Nobel daihnak laksawng a hmutu Aung San Suu Kyi chuahni lawmhpinak le thlacampiaknak cu kum tin tein a dawtu a rammi hna nih vawleicung an umnak cio in rak tuah lengmang asi. 2010 june kha kum 65 a tling cangmi Suu Kyi chuahni lawmhpinak le saduhthah tlinnak ah thlacampiaknak ca hna cu, vawleicung kenkip khuasami hna a dawtu pawl nih Burma Ministry Facebook cahmai ah an rak tial cio.

Ministry Facebook cahmai an tialmi vialte kha cauk pakhat ah an chuah i hmai 120 asi. Hi chuahni lawmhpinak cabia ai telmi cauk cu Burma ah England nih an thlahmi (British Ambassador to Burma) Mr. Andy Heyn nih a kut tein a va pek ti asi. Cu pin ah Andy nih Burma ralkap lubik Tan Shwe zong ah Suu Kyi luatnak ding ah nawlnak a tuah.

Suu Kyi cu nikum May thla ah a umnak inn chung ah US rammi John William Yettaw a luh ruang ah inn thawng thla 18 an chap. Tuchun ni tiang ah thla 15 chung a tla cang i, November khi thawng chung in chuah ding asi cang. Burma Ralkap cozah election zeitikahdah ka tuah lai ti thawngthanhnak taktak a tuah rih lo nain, mi tamdeuh nih zumh asi mi cu, Actober thla khi an tuah tein ko lai ti asi. Election ah Suu Kyi i tel kho ve hlah seh, hna kan hnawh kho hlah seh tia ruahnak aum caah election tha tein ai tuah ta lo ah cun, Suu Kyi hi an chuah rih lai lo ti hi mitam nih zumhmi asi. Aluan cia kum 20 chung ah kum 14 hi inn thawng chung ah minung pakhat luat tein cawlcangh khawhnak um loin an chiah.

Source: Irrawaddy

Categories: