Dear Sandnes-Chin mi zapi,
Chin Community In Norway ( CCN ) min in na zapi hi lawmhnak catawi he nan kutnem kan in tlaih hna . Norway ram chung ah a ummi kan Miphun zapi ( khua kip vialte ) lak ah Sandnes-Chin mi hna cu CCN rian ttuannak cung ah zohchunh awk tlaak nan si naak cung ah lawmhnak nganpi kan ngei.
2010 kum CCN general meeting lio hnatlaknak le biakhiahnak bantuk in 2010 kum thok in kum 18 in a cunglei poh nih kum fatin kumkhat ah Kr.100,- thawh ding timi cung ah Sandnes khua kan Miphun hna nih mi pakhat hmenh bau loin nan zapi ( minung 36 ) nih nan rak thawh khawh cio tik ah nan cung ah kan i lawm hringhran ko. Kanmah EC.CCN chuntel vialte lak zong ah Pu Hmun Cung Nung cung cu zohchunh awk tlaak in rian a kan ttuan piak khotu a si naak cung ah kan zapi kan i lawm cio.
Kan Miphun nan dawtnak le nan ttanhnak thawng in Pathian nih nan nun naak , pumpak cio ah a thluachuah he lam in hruai zungzal ko hna seh.Nan Krihfa Bu rian ttuannak cung zong a tu naak a let tampi in Pathian nih a thluchuah he lam in hruai hram hna seh ! Cun a tu bantuk in hmailei caan chung vialte zong ah pehzulh in CCN cu nan kilhkamh cio rih lai naak le ruahnak le duhnak nan hun kan cheuh lengmang naak lai zong kan in nawl ko hna.
Lawmhnak lianngan le ruahchannak he,
Van ThangSecretary, CCN