Rogaland Chin Celhzuamnak Mi Thimnak An Tuah

0 Comments

Photo: San Mary Lian/FB

2014 EU Chin Football Championship caah ai zuam ding hna minung thimnak cu tuchun 19 April 2014 ah Norway Chinmi khuapi asimi Stavanger, Rogaland ah hlunghlai ngai in le tlamtling ngaiin tuah asi. Hi minung thimnak ah a tlawmbik minung 200 hrawng cu an ra ko lai tiah, a rami upa te nih an tuak.

Norway football team 2 a chuak ding chungah Team B cu rogaland lei nih ttuanvo laak asi i, cu team caah cun minung thimnak cu tuah asi.  “Kan naule a chuihmi hna an thiam ngai, an bumbaam zong a ttha, an i vikvak, tlamtling tein kan i thim khawh i, hi ti ning tein puai dam tein kan phanh ahcun kanmah nih champion kan laak te ko lai” tiah tawlreltu upa zong asi i, mithimtu zong asi chihmi Pu Za Bil nih a chim. Celhzuamnak tawlrelnak caah Rogaland Chin asimi poah nih inn chungkhar pakhat ah 100 Kr le single pakhat nih 50 Kr thawh ter asi. Stavanger mithimnak a um chung zongah cun, phaisa thawh lei ttuanvo latu le CCN zongah vice President asimi Pu Kyaw Kung a khawlh cuahmah hna.

Pumpalulh chuih lawng siloin volleyball zuamnak zong  nu he pa he an tuah chih. Football le Volleyball a pahnih in Stavanger mino nih champion an laak tiah thawngpang kan theih tthan.  Congratulation Stavanger!

Photo: San Mary Lian/FB

Photo: Any Joseph /FB

 

Categories: