Ramdang Motor Lisen Kong ah Norway nih Upadi an Thlen

0 Comments

Malaysia, Thailand, Singapore, Indonesia hna in Motor mawnghnakLisen ai ken mi hna caah thawngpang

Acunglei ram hna in motor lisen ai kenmi hna nih October 1, 2010 hlan ah an motor mawnghnak lisen an thlen lo ah cun an lisen hman khawh asi ti lai lo tiah Trafikk Vegvesen nih sep 20 ah an website in thawngthanhnak an tuah cang.

Acunglei ram pawl bantuk in October 1 hlan ah hmankhawh a rak si nain cu hnu ah hmankhawh a si ve ti lo ding mi ram hna cu: lbania, Algerie, Argentina, Bosnia-Hercegovina, Brasil, Chile, Egypt, Filippinene, Hviterussland, Kina, Kroatia, Makedonia, Mexico, Moldova, Montenegro, Peru, Russland, Serbia, tidligere Serbia-Montenegro, Sør-Afrika, Taiwan, Tunisia, Ukraina, Venezuela hna an si.

Hman khawh asi ti lo timi nih a chimduhmi cu, motor mawnghnak lisen tuah tik ah a thar in a tuahmi midang bantuk cio in tuah ve a hau cang tinak asi.

Atanglei ram nih pekmi motor lisen hna hi Norway ah hman khawh an si

Australia, Canada, Hongkong, Israel, Monaco, New Zealand, San Marino, Sør-Korea og USA. Japan motor mawnghnak lisen Class B ngeih ah cun, mawngh zong phit hau loin hman khawh asi.

Hi upadi thar hnulei ah a um mi ruahnak

Motor mawnghnak lisen kha fawi tein ngeih khawh asi lo tik ah, ram chung lutmi minung a control hna lai ti zumhnak a um. Cun a biapibikmi le lang haan bikk ah chimceih mi cu, eksident tongmi zawrdeuh seh ti control an duh caah asi fawn. Norway hi vawleicung ram rum bik pakhat ah ai tel ko nain, ram rum hna lak ah motor lampi chiabik ram pakhat asi ve. Lam nih a chia, eksident le a tlawm khawh chung tlawm ding in an duh caah, nikhat hnu nikhat in trafikk upadi hi rengh an timhmi cu asi. A luan cia kum 40-50 lio ah cun, motor ngeih khawh le, mawnghkhawh kha an rak uar tuk nain, tu 21 century a hun phanh hnu cun, collective traffic le a si khawh chung in pawngkam a hnawmh ter lo bik ding motor hna le bi cycle tiang hmanh hman khawh an i zuam cang hna. Zeitindah kan hmuh ve timi cu mah tein rak ruah cio khawh asi.

Categories: