Oslo ah Thein Sein a Phan, Kachin Hruainak in Duhlonak an Langh Ter

0 Comments

mamuan

Hi hmanthlak hi Brang Nu facebook page ah laakmi asi.

Myanmar President Thein Sein cu Oslo ah 26 Feb ah a mithila hna he an rak phan. Nithum chung a caam chungah siangpahrang, Norway PM le damdang lei vuanci cun, Telenor le Statoil tibnatuk company ngan pipi hruaitu hna zong he tonnak a ngei lai ti theih asi. Norway khuasa Kawlram mi hna zong he tonnak le biaruahnak a ngei lai tiah thawngpang theih asi.

Culio ah Kachin kan unau hna nih Thein Sein Norway nih lunglut ngaiin le sunglawi ngaiin an cohlanmi cungah duhlonak langhternak Oslo ah an tuah. Cu duhlonak langhternak ah kanmah Chinmi chung zong in telve nak kan ngei. CCN aiawh zong in Mamuan a va kai kho i biachimnak zong ka ngei kho tiah thawng an kan thanh. Thein Sein cu ram remhtu mi pipa pakhat ah vawlei cung nih an cohlan cang bantuk in EU a rat chung zong ah upat hlawh ngai in an dawn ko lai ti zumh asi cang. EU ram hna zong nih Kawlram he pehtlainak an ngeih tikah anmah lei miaknak asi mi chawlehnak tuah le miaknak kong fak piin an ruah ve ca zongah a tu bantuk in lunglawi, lunglut ngaiin an cohlannak zong asi ko tiah ruahnak ttialtu tampi nih an ttial.

Categories: