Norway um mipem hna sinah COVID-19

Naite ah cozah lei IMDI (integrerings-og mangfoldsdirektoratet) nih bawmhnak a pek mi buu vialte akan auh i tonnak akan tuah pi. A hmasa ah biachim hi FHI(folkehelseinstitutet) an si. An timi cu Norway ram ah COVID-19 in a zaw chungah mipem asi mi nih ruahnak leng in an tam ti asi. Biafang mipem nih achim duh mi cu a chuahnak ram Norway asi lo mi hna hi asi.  Atanglei hi presentation akan tuah piak mi chung in ka vun tial chin mi asi.   

Zerhtin COVID-19 in a zawthar mi milurelnak FHI nih a tuahnak ah a luancia  zerh tam nawn chungah mipem kan tam khun. Zerhkhat chung a zawthar milurelnak zerhtin te an tuah mi chungah 40% cung lengmang hi mipem kan si. Uke (week) 33 lio ah Covid.19 in azawmi dihlak ah 129 an si i azawmi chungin mipem 41% kan si, i cu mipem hna pawl cu Polen (14), Jugoslavia (12), Irak (9), Somalia (9), Afghanistan (7), Andorra (7), Makedonia (7), Pakistan (7), Russland (7) og Tyrkia (5) an si.

Norway ram chung I COVID-19 in a zaw dihlak chung ah 30% leng hi mipen kan si tiah theih asi. Norway ram um mipem kan dihlak hmanh ahhin 15% tang kan si norway um kan dihlak milurelnak ah. Atutiang ah mipem chungin zawtnak tambik a ngei mi hi Somalia an si tiah theih asi. Atutiang ah fiang tein mipem chungin COVID-19 in zawtnak a ngei tiah theih mi hna cu, Somalia (497), Pakistan (228), Filippinene (135), Afghanistan (131), Irak (130), Polen (120), Sverige (120), Iran (108), Russland (89) og Jugoslavia (86) an si.

Atutiangah kan mah Chin mi chungin cun pakhat hmanh a ngei tiah theih mi kan um lo, cu caah kan ngei rih lo tiah chim khawh asi.

Note! Mah thawngthanhnak hi tthihnak ah ruah lo in ralrinpeknak bantuk ah ruahding asi lai.

Scroll to Top