Zerhtinte Covid-19 in a zawtharmi milurelnak cu FHI (Folkehelseinstitutett) nih a tuah tawn. Kan hnu zerh (Uke45) chung ah Covid-19 in a zawtharmi minung 3 891 an si. Mahvialte a zawmi chung cun 37% cu ramdangmi kan si. Phundang kan chim ahcun 1439 hi ramdang mi kan si. Norway ram ah um minung kan dihlak milurelnak ah ramdangmi tiah timi kan dihlak ah 15% lawng kan si. Cucaah a zawthar mi hna kong ah phundang kan chim ahcun Norway minung 100 chung ah 10 nih zawtnak an ngeih lio ah ramdang mi cu 100 chungah 20 leng nih kan ngei ti nak khi asi. Cupinah Covid-19 in sizung ah chiah mi hna minung dihlak ah 54% cu ramdang mi an si tiah theih asi fawn. Ramdangmi hna lak i Covid-19 tambik a ngei mi hna pawl cu Polen, Somalia le Pakistan hna an si.
Atutan hi Oslo um ramdang mi sin ah a karh khun, i minung tampi cu norway holh thawngpang an dawi khawh lo aruang le, cun corona upadi hna zulh lo ruangah chawnh mi hna nih an ngeih mi chim ngam lo le i test ngam lo in an um ruangah asi tiah theih asi. Atubantuk ramdang mi karlah ah Covid-19 a karh tuk caah a tthu lio mi kan cozah nih an lungre theihnak tampi an lankter, cun ramdang mi bu pawl hna nih covid-19 information kongah fak deuh in rian an ttuan khawhnak ding caah 20 million kr zong budget an suai chep tiah theih asi.
Note: Ramdangmi timi biafang nih a chim duhna cu Norway ram si lo in ramdang ah a chuak mi tinak khi asi.
Covid-19 in ka zaw ko rua tiah na ruah ahcun zeidah na tuah aherh timi theih na duh ahcun atang lei hi click law rel khawh asi.
Thawngpang Laknak: