Norway ram hmunhma cheukhat ahcun hmurkhuh (munnbind) hruk hau cang

0 Comments

Hmaizerh nikhat ni in august 31 tiang Norway cozah nih hmunhma cheukhat ah hmurkhuh( munnbind) I hruk ding in fial kan si cang. Hruknak ding hmunhma hna cu (kollektivtransport) mipi nih cit mi Bus, Tlanglawng/Khuachung Tlanglawng le Vanlawng hna ah an si. Munnbind hruk ahauh nak khua hna cu Oslo le Indre Østfold(Indre Østfold, Rakkestad, Skiptvedt og Marke) hna ah an si, cun Oslo na tlawn le na chuah tik zongah asi fawn. Hngakchia pawl tu cu munnbind hruk asi lai lo abiapi in kum 2 tang pawl, cun sianginn (videregående,barneskole,ungdomskole) zong ah hruk asi lai lo.

Atubantuk munnbind hruk ahauh hi meter 1 in i hlat in um khawh lo nak hmunhma hna caah an si. Norway ram ummi poh nih hruk aherh caan tu cu;

1.Covid-19 in azaw/ azaw rua ti mi nih sizung le adang dang herhbau caan I chuah tik ah,

2.Asen mi ram tiah chiah mi hna ram in Norway ram na rak luh tik ah,

3.Covid-19 a ngei/ngei rua timi nu/pa chungkhar na si i cu nu/pa cu na va bawmh tik ah,

4.Meter 1 dan hlat in um khawh lo nak ah rianttuanmi na si ahcun

1-meter i hlat I um nak nih 80% in pakhat le khat I chawnh a har ter deuh, cun munnbind nih 60% a har ter deuh ve.  Asinain munnbind I hruk thawng in 1 meter I hlat ding timi kha a tlau hlei lo tuah tthiam ding asi lai.

Munnbind hi phun hnih a um, munnbind le tøymunnbind tiah auch asi. Munnbind cu si lei kap i a ttuan mi hna caah ser mi asi ( klasse 1 asi lai i apotekt ah cawk khawh asi)Tøymunnbind cu thilthuam hman in mahte in asiloah thiltahnak sehzung nih tthit chawm mi asi, nain upadi nih control mi asi lo caah zeitluk in dah virus pawl akham khawh theih asi lo. Hi bantuk tøymunnbind nah man ding asi ahcun norsk standard timi na zulh khawh na zuam lai.  Atanglei hi click law munnbind mah tein tuahdan zoh khawh asi; https://www.who.int/emergencies/diseases/novel-coronavirus-2019/advice-for-public/when-and-how-to-use-masks

Munnbind hruk hi a ttha nain, hman thiam tung lo ahcun zawtnak chawnh a fawi deuh chin chin ve hawi. Atanglei link hna hi rak click law munnbind hrukdan pawl zoh khawh asi. Cun munnbind hman tikah zeidah tuahding timi zong rel le zoh khawh chih asi.

Munnbind: https://www.fhi.no/contentassets/512a6d47119f493491b07e0fe957d5e9/munnbind_infografikk_endelig.pdf

Tøymunbind: https://www.fhi.no/contentassets/b7619a3410cf44fb9af757d57c83871f/ansiktsmaske_infografikk_endelig.pdf

Thawngpang laknak Kilder:

https://www.regjeringen.no/no/aktuelt/anbefaler-munnbind-pa-fulle-busser-og-tog-i-oslo-og-indre-ostfold/id2724562/

https://www.fhi.no/nettpub/coronavirus/fakta/renhold-og-hygiene/

https://helsenorge.no/koronavirus/munnbind#Ulike-typer-munnbind-og-anbefalinger-om-bruk

Categories: