Norway le Danmark Nih Burma Refugees An i Ham Than

0 Comments

UDI2010 cu kanmah Burma in a rami refugees, abikin scandinavia phanmi hna caah kum tha asi kan ti khawh than. Aruang cu, Norway cozah le Danmark cozah hna nih Burma refugees laak than ding in biakamnak an tuah than caah asi.

Danmark thawngpang pakhat nih a tialmi cu; Integration vuanci pakhat asi mi Birthe Rønn Hornbech nih Burma refugees pawl kha ramdangdang a rami refugee pawl nak in usa a pek deuh hna caah thangchiatnak a tong ti asi. Hi bantuk in kanmah an kan tanpi ruangah thangchiahnak a tongmi hna an um ti ruah tik ah, thangchiat a tongtu caah thil haar asi ko nain, kanmah caah an kan tanpitu an um ti theihnak he, lunglawmh awk thil asi ngaingai. An tialnak ah: Iraq refugees pawl nak in Burma refugee pawl laak ding in a tantuk caah hi bantuk in thangchiatnak a ton hi a si an ti.

Birthe Rønn nih a leh ve mi hna cu; Burma in a rami refugee pawl hi ram dangdang a rami refugee pawl nak in ram chung thil sining: rian, holh (integration)ah rang deuh/ fawi deuh in an thiam caah hi hna hi biapi deuh in kan laak duhmi hna a si ati ve. 2010 zong ah Danmark nih Burma refugees 156 laak ding in biakhiah nak a tuah than cang. Ral a tho cuahmahmi ram dangdang hna in refugees tampi an um ko nain kanmah pakhatnak ah an kan chiah cu thawngpang tha taktak pakhat asi. Hika ah Danmark ca in rel khawh asi.

Norway zong nih 2010 ah Malaysia ram ummi Burma refugees 200 ka laak hna lai tiah january 14 UDI (Norway Immigration) nih thawngthanhnak atuah ve cang. Tukum cu Thailand ummi Karen refugee pawl nak in Malaysia ummi kha usa kan peek deuh hna tiah, UDI riantuanmi pakhat nih a ka chimh. Thailand um Karen refugee pawl an haar le har lo cu, keimah mithmuh bak in refugee camp 10 ummi lak ah 4 ka phanh bal tik ah ka theih mi asi. An haar, bawmhnak an herh tuk ko nain 2009 ah minung 200 renglo an laak cang hna caah tukum cu malaysia um mi pawl pakhatnak kan chiah hna lai ti asi. Kanmah Chin mi hna caah thawngpang tha taktak pakhat asi ! Malaysia um Burma refugee ti tik ah kanmah Chin refugee kha a sawhduhbikmi asi.

Tukum hi kumdang nak in phundang deuh in Norway cozah nawl ngeitu hna nih refugee laaknak kong ah khua an khan. Kum dang ah cun, kumkhat ah zeizat ti an khiahmi pin ah case 10-20 cung nak tam reserve caah hmunhma a um lo. Sinain tukum cu flexible taktak in laak kan i zuam lai ti asi. Asullam cu; a herh ah cun tulio kumkhat quota asimi minung 1200 nak tampi zong laak ding ti asi. 1200 nak taam laak a si ah cun a hleimi kha 2011 ca quota caah relh chih ding. Asullam cun 1500 tukum ah an laak ah cun, hmaikum kha 900 lawng laak ding tinak khi asi. Cucaah tukum hi chance a ngan deuh i ruahchannak a um deuh ti khawh asi.
Tumkum refugee laakmi hna ah nu kha biapideuh ah chiah an si caah 55% hi nuu si hna seh tiah an khiah.

Norway refugee lak kong cu hi LINK ah tamdeuh rel khawh asi.

Categories: