Ram pakhat ah lahkhah sangbik hna kong hi ceih pah lengmang asi, mi lung zong a lut ngai ve tawn. Halbik tawnmi cu, ram pakhat ah President le Prime Minister te nih zeizat dah lahkhah an ei ti hi asi theo. Norway PM le a dang lahkhah sangbik ei mi hna zoh tuah hna usih.
Norway tulio Prime Minister cu Jens Stoltenberg asi i, NRK nih thawng a thanhnak ahcun, 2011 ah PM naak tamdeuh lahkhah a ei mi minung 58 Norway ah an um ti asi. PM a lahkhah hi, 1,366000 NOK (1,36 millions) a hmuh. Hi hna minung 58 nih buaktlak in an hmuhmi lahkhah tuakpiak tikah million 2- 6 tiang asi tiah an ttial.
2012 ah Norway MP pawl nih hmuhmi lahkhah buaktlak 750,900 NOK asi i, vuanci (minister) nih cun 1,111,200 NOK asi
En stortingsrepresentant tjener i år 750.900 kroner, en statsråd 1.111.200 kroner, mens statsministeren tjener 1.366.700 kroner (na24.no).
Vawleicung ah nawlngeihnak sangbik a ngei tiah ruahmi US president Obama lahkhah khi, USD 400, 000 asi, a vice president Joe Biden nih khin 230, 700 a hmuh (infoplease.com).
Website pakhat nih China congress hruaitu hna le US congress hruaitu hna an hmuhmi le ngeihmi phaisa tahchunhnak an rak ttial. Khuaruahhar asimi cu, US congress minung 535 nih an zapi te an hmuhmi le China congress in mirum minung 70 nih an hmuhmi an tuak tikah China congressmen an hmuhmi le ngeihmi a tamdeuh ti asi. Cu nih an langhter duhmi cu, China ramhruitu hna zeitluk in dah an corrupt ti khi asi. (bloomberg.com).