Norway Central Bank: Phaisa karh a kai

Photo: norges-bank.no

Tihni te kha, Norway Central Bank executive board tonnak an ngei, Kum 7 le cheu chungah a voikhatnak phaisa karh kai ter dingin biachahnak an tuah. Norway ah phaisa karh kai he ai tong bal ve lomi, inn leiba ngei minung (kum 20-39 karlak) 300, 000 hrawng an um ti si. Tutan cu an tep ve cang lai tinaak si.

 
A karh 0,25 – 0,75 % (0,25%) an kai ter asi i, 2 million hrawng bank leiba a ngeimi caah thlakhat peek ding 250 Kr hrawng a kai lai tiah tuak khawh asi.
 
Micheu nih cu, Norway economy a kai caah tubantuk in phaisakarh tlawmpal an kai termi hi thil dik/ttha asi ko tiah an ruat, nain a cheu ve baak, abikin phaisa leiba tampi, a ngeimi hna caah cun, thawngttha asi lem ve lo.
 
Norway cu an cozahpi phaisa khawn thiam lawng siloin, an mipi hrim zong phaisa an khawng thiam ve. Ram chung bank hrim ah khawnmi billion 1000 kroner hrawng an ngei ti asi. A karh kai cu phaisa khawngmi ko caah thawngttha asi kan ti lai.
 
Hi hnu kum 2-3 cu phaisa karh a kai rih lai, 4% tiang a phan kho tiah tuak cia asi. Phaisa lut a karh ve ko mi caah le bank ah phaisa ai khawnmi caah cu thawngttha asi nain, zapi leiba lawng angeimi caah cun, thawngttha cu asi lem lo.
 
Finance Minister Siv Jensen hna nih cun, phaisa karh 10% tiang hrawng a kai kho tiin tuak cia in phaisa hman le cawlcangh kan herh a ti. 1980s ahkhan economy a rak tlak tuk tikah phaisa karh 18% tiang a rak phan.
 
Zeitindah kan chungkhar economy asi ve ?
 
Relchap duhmi caah;
 
https://www.dnbeiendom.no/altombolig/kjop-og-salg/boligokonomi/boliglan/hva-betyr-en-renteokning-for-deg
 
https://www.aftenposten.no/okonomi/i/6nRKML/Danske-Bank-klarer-ikke-a-tallfeste-hvor-mye-som-er-hvitvasket–gir-1_5-milliarder-til-kampen-mot-okonomisk-kriminalitet
 
 
https://www.nettavisen.no/na24/norges-bank-setter-renten-opp/3423538495.html
 
https://www.norges-bank.no/Publisert/Pressemeldinger/2018/2018-09-20/
Scroll to Top