Nord-Trøndelag ah Inn 50 Leng a Kaang

0 Comments

Nikhatni, nizan zaan 22:30 hrawng in kangh hram ai thawkmi mei nih Norway chaklei khua  Flatanger, Hasvåg le Småværet timi minung umnak sang cu an khua ningin a kangh hna ti awk asi i, awlawkchawng in an um ko.

Minung 20 renglo an khamh hna. Mei a kangh ning a fah tuk caah meithattu kommune pa 4 in 30 reng lo nih hehchet tiah hmih an i zuam lawng siloin mahbantuk poipang ton lio i a bawmtu dingah mipi chungin rak thimmi hna pawl zong an i telve tiah Norway thawngpang pawl nih an ttial.

Tutiang ah inn 50- 70 hrawng a kangh cang ti asi, thawngpang cheukhat nih cun, inn 100 tiang a kangh khawh men an ti. Thli a hran tuk caah mei hmih a har khun, mei a lawn zong a fawi khun tiah an chim. Mahtluk in mei a fak ko nain, minung a kangh chih hna timi le an thi timi thawngpang a um rih lo. Phaisa sungh zatlaknak in tuak ahcun USD million tampi man asi ko lai ti cu a fiang.

 

Categories: