Motor Kong Theih Herhmi

By Johnny Chan

Motor cu thil pathum: mei, thli le datsi/diesel(fuel)  in a nungmi thil a si. Pakhat nak ah a biapi cemmi cu mei hi a si. Ignition timi mei khanghnak a um lo a si ah cun motor fuel tank chungah zeitluk in fuel um in thli tampi in forgasser in lut hmanh seh law motor set pi cu a nung hlei lai loh. Mei kan neih khawhnak dingah hin batteri hi a herh. Cu batteri lawng nih cun mei a siam khawh lo ca’ah starter kan herh. Starter timi cu magnet( kawl holh in tanleih) dynamo fate a si. Batteri in elektrikk tha a lakmi nih starter cu a nunter i coil timi ah a kuat. Besin motor poh ah cun coil hman a si i a hlan deuh motor ah cun coil pakhat a lianpi lawng a um I cu coil pakhat cu cylinder 4 nih an I hrawm dih tawn. Sinain chanthar motor pawl ah cun cylinder 4 a ummi ah double coil ti’in coil pahnih a ummi zawng a um i cylinder pakhat ah coil pakhat cio an hmanmi zawng a um thiamthiam.

Coil nih hin meici a chuahter. Cutik ah meici, thli le datsi a tantik ah mei alh a chuak. Cu a khanmi nih cylinder chungah a ummi piston(stempler) pawl cu rian a tuan ter hna. Mah tik ah piston pawl an I bunhnak aksel pi cu mer hram ai thawk. Cu aksel pi cu a lenglei ah wheel a bunh I mah nih cun drivaksel kha a hei her chin. Cu tik ah aksel I a bunhmi pawl motor ke pawl cu rilh hram an I thawk.  Zeitluk cak in dah a ke a rilh lai timi cu posisjonføler an timi nih lai a rel. A fawinak kan chimah cun thli tam deuh na luh poh a si ah cun fuel tam deuh a lut ve I engine rian a tuanmi tha a tam deuh. Asinain, motor ke zeitluk in dah a kalter lai timi ah hin a control tu cu gear hi a si. Cu gear box cu engine pi ah a bunhmi a si.

Cu gear cu tu poh in thlen len a ngah hawi lo ca’ah clutch timi a um fawn. Piston a bunhnak aksel pi a mer tik ah a par I a ummi svinghjul timi hi a mer peng. Mah a mer mi ah cun clutch cu  hrenh chih a si. Motor gear kan thlen tik ah clutch kan lamh hmaset peng tawn. Mah clutch kan lamhtik ah clutch nih khan svinghjul a mer pengmi kha a hei daih ter i gear cu kan duhnak ah thlen khawh a si.

Motor kan mawngh tik ah hin a biapi ngaingai mi thil pakhat a um. Mah cu cu thlithiang te kan dawp peng dingmi hi a si. Cu ca’ah fresh air filter( friskluft filter) timi hi a tlawmbik kumkhat voikhat tel cu kan thlen a hau. Thlithiang a thianhtu a thurhnawmh tik ah a pit tawn i motor chungah oxygen tha te’in kan dawng khawh lo. Cu ca’ah motor chungah lungmit nawn in um tawn a si. Cu ve bantuk in engine zawng nih thli a herh ve. Thli zatawk te’in a dawp lawngah engine pi a ngan a dam ve. Cu ca’ah na motor air filter( luft filter) kha na thleng lengmang a herh. Engine nih thlithiang a dawp a hau.

Norway ummi caah theihding 

Norway mipi nih an I buaipi cemmi cu EU ( Periodisk Kjøretør Kontrol /PKK) hi a si. Motor in mipi kan himnak ding ca’ah tuahmi a si. EU kontroll cu check a si i motor a rawkmi pawl 2 in mark pekmi pawl kha siam hnu lawngah godkjent cu a si. Mark1 an pekmi kha cu duh ah cun siam i duhlo ah cun siamlo khawh an si. Motor thar na cawk a si ah cun EU kontroll cu na cawknak in kum 4 a tlin hnu lawngah kontrol na lut la i kum 4 a tlin hnu cu kum 2 ah voikhat in EU kontroll cu tuah a hau. Adang lastebil, buss, le taxi pohpoh cu kumchiar te EU kontroll tuah an hau. EU kontroll ah hin an check bikmi cu break, ke, mei hi an si. A break hi biatak te’in zoh a si i break hri( bremserør) te hna khi carik(rust) a kai ah cun godkjent a si kho lo. Karroseri tuhi zoh a rem ko ah cun cu tluk in check a um tawn loh. Oljelekkasje a um zawngah olje kha a dawrdawr in vawlei ah a tlak lawnglawng ah godkjent a si loh. Oljesvetting timi olje a cin menmen mi sawhsawh khi cu a poi loh. Motor na cawklai ah EU godkjent a si maw timi hi na zoh ta hmasat peng lai. EU Kontrol luh tik ah hin mah te’in i siam pah khawh ko ah cun mah te i siam a tha cem. A check ter man lawngah hin 400-500kr an lak i mah an check i a palhmi pawl kha mah te’in i siam i va check ter nawlh ah cun phaisa tampi pek hau lo in na motor cu na mawngh peng khawh ko lai.

Na motor a himbawm nak dingah hin service na tuahpiak a hau. Engine oil na thun tik ah zeitik hmanhah engine oil tahnak fung I max nak tam na thun lai lo. Na thun a si ah cun mah bunnpane chungah khan olje tamtuk a ummi vialte kha stempel nih khan a tawh lai I a cunglai ah a nam chihlai le na motor engine cu a rawk dih ko lai. A buak kho zawng a si pin ah na motor kha ceilak te a rawk lai. Stempel ringer vialte an cat dih lai I topppakning vialte an cat lai le mah na siamnak ah khan a tlawmbil phaisa 8000kr cu na dih ko lai. Cun motor km120000 a tlik cangah cun reg.reim hi voikhat nak thlen hrimhrim a hau I 240000 ah hin a voi hnihnak thlen a hau fawn. Mah cu cu Norway holh cun Stor Service tiah auh a si. Bremse olje zawng hi kum khat voikhat a si lo le kum 2 voikhat tel cu na thlen ah a tha. Cu pin ah na bremse olje a dih le dih lo na check peng lai. Bremse olje a thing tuk tik ah effect a tlawm bremse stempel kha namnak thazang a nei ti lo tik ah na bremse cu voidang bantuk in a tha ti lai lo.

Motor hmanciami na cawk tikah? 

Motor mi hman ciami na cawktik ah hin hawihlan cemah na zoh dingmi cu motor  na start lai le motor lampe a ceu maw timi na zoh lai. Mah cu cu dashboard i km zeizah in dah na mawngh timi a piahtu pawng te khan airbag lampe he an ceu ti lai. Mah cu cu motor a rawk poh ah a ceu pengmi a si. Cun, na cawk dingmi motor cu na mawngh lai I clutch le gear a that le that lo na test lai. Motor mei na ceu ter lai full le beam lys a that le that lo na test lai. A dangdang thil fa tete tu cu kan chim ti lai loh.

Motor ah a tha cem timi an um loh. An that ning an i lo cio hna loh. Motor thar poh an tha hlei loh. Desiel hi lamhlat I na mawngh lengmang dingah cun a tha sinain bensin motor hi a himbawm nak le a zeipoh ah hin a tha deuh nain bensin ca’ah hin phaisa tam deuh a dih.

Scroll to Top