Minung Tampi Tlangrai Vaccine Chunh Dingin Cozah Nih A Kan Fial

Norway ram ah minung 1.6 million hrawng hi tlangrai vaccine chunh hau mi kan si. Kum fatin tlangrai vaccine hi i chunh ahau mi asi. Kum fatin vaccine i chunh lo ruangah minung 900 -2000 karlak hi an thi tawn, aruang cu tlangrai nih hin zawtnak dang atampi a zual ter khawh caah asi. Cun atulio covid-19 a um lioah hin abiapi khun, nain philh lo ding asi mi cu tlangrai vaccine nih Covid-19 a khamh lo ti hi asi. Atanglei minung (risiko gruppe) hna hi kan cozah nih a biapi in I chunh ding in fial mi hna an si

  • Kum 65 a tling cang mi poh
  • Tar zohkhenhnak ah aum mi poh
  • Nau a pawi nak zerh 12 cung a si cang mi poh, (trimester 2 og 3)( adang zawtnak na ngeihchih ahcun zerh 12 tang si zong ah chunh ahau tthiam)
  • Zunthlum zawtnak a ngei mi poh ( diabetes type 1 og 2)
  • Thin, Lung le Cuap lei a ttha lo mi poh
  • (Immunforsvar) Kan pum i a um mi zawtnak a kham kho tu ahrawk mi zawtnak AIDS, Cancer le adangdang tibantuk pawl
  • A thau tuk mi pawl (KMI over 40 asi mi )
  • Ngandamnak (Helsepersonell) lei i a ttuan mi poh.

Tlangrai vaccine chunhnak kongah mah umnak cio i Kommune nih ttuanvo a lak lai.  Risiko gruppe chungah a ummi na si ahcun 50Kr lawng vaccine man ah liam asi lai. Christmas lai hrawngah tlangrai a tam khun tawn caah Christmas hlanah risiko gruppe pawl hi i chunh dih dingin cozah nih timhtuah piak an si.

Chirhchan;

https://www.fhi.no/sv/influensa/influensavaksine/influensavaksine/

Scroll to Top