Norway Chinmi krihfa buu 20 hrawng le pumpak nih Chinram kokek ral a tongmi hna caah bawmhnak chuahmi Kroner in million pakhat a phan deng cang tiah thawng theih asi. Nizan tiangah, Norway krihfabuu komh rianttuannak NCCF ngunkeng nih thawngpang a thanhmi ah kroner in 750 000 kr a phan.
Krihfabuu cheukhat le pumpak in bawmhnak cazin a lut rih lomi tete zong a um lai caah million 1 lengpi a chuak kho tiah zumh asi. Tulio Chinram nih a tonmi hi, caan tawite bawmhnak lawng a zaat lai lo caah, hihnu a kum in a kal rih khomi sertthannak caah thazaang chuah zong a hau rih ding khi asi. Bawmhnak phaisa hna cu harnak a tongmi hna sinah ningcang tein a phanh lawng siloin, ningcang tein hma ai hngalhnak zawn tete ah hman thiam zong a biapi ngaingai ding asi.
Norway rampi huapin Chinmi buu vialte zong nih committee pakhat dirh dingin an i zuam cuahmah lio asi tiah theih asi. Upa cheukhat nih cun a rannak in ngeih a herhmi asi caah caan saupi hngah awk a ttha lai lo, CCN, NCCF tibantuk ram huap buu pawl nih kan tawlrel ulaw, nan si khawh chungin hmai ah kan chuah piak ko uh tiah nawlnak ca a ttialmi zong an um len. Cu committee nih cun, Chin huapin khuakhan lairel le biachimnak a ngeih lai caah rianttuannak a hma ai hngal deuh hrim lai tiah zumh asi.