Kan Miphun Ni Upat Hna U Sih

0 Comments

Salai Aung Thein (BØ)

Ka hngakchiat deuh lio ah cun zeidah nai ngeih cem ti bia hal nak ka ton poh ah, ka chim theu tawn mi cu X mas caan le laimiphun ni hi a rak si tawn. Ka rak mawh hrim lo. Febuary ni(19)zan hin cun a hnialh hmah kai hnialh kho ti ruam lo. Zingka nazi(6)hin cun ka tho diam cang. Ka nu sin in sabuti ei nak ka hmuh hlan lo khawzei kal hmanh kai tim ti lo. Nazi(7)hrawng hin cun an bawngbawng tum thawng le an chengcheng tum thawng nih thaithawh ei hmanh a ka hngalh ter phah ti lo.

An lupawng pawnh he, an laipuan eih he hiko nih hin dah kan tar nu kan tar pa le hna an i dawh nak an iang a langh ter cem ko rua hna. Cerhtual vun phak hin cun hi zatzat minung hi maw kan rak um ko ti awk in a um. Leng a chuak huam ti lo mi kan pi kan pu hna zong an lu pawng he mipi sin an chuah ni asi caah, hi ko nih hin mi thinlung a hliphlau ter khun. Hhasabik ah upa deuh nih bia chim nak an ngeh theo tawn. Asinain zei an chim hmanh ka rak thei theo tawn lo. Zeitikdah an laam lai i, zeitikdah paih an i zuam lai ti rum ro ka ruat. Zanleinazi(6)hrawng in cun cu khua cunih cun buan aco ti mi bia nih khua a khuh tih hawi cang.

Acan ah cun zanriah hmanhthathi in kan ei manh cio hna lo. Nazi(7)hrawng hin cun laam he hlasak he cerhtual cu ahninh in ai hninh hawi. Pakhat hnih cu zawng lakah ngau kawng tiah kawl hla sa mi zawng an um len ve. Muidawh iangngei zuamnak a hung phan. Aho nihdah ai dawh bik ti thim ahar ko. Muidawh ciocio i el len i buai viar nak ding in kan um cio hna. Nawlngeitu nih pakhatnak lukhuh a van khuh hnu ah cun daidup in kan um cio cang hna. Tlawmpal ah adonghnak ah nan za tein mangtha ti mi hla in kan mi phun ni cu ka rak hman tawn ve.

Norway ka phak hnu zong ah, kasaya te hmur ka in voi hnihthum namiphun ni hi thla ni zeizat ni dah asi ti ah biahal nak ka tong ve cang. Febuary(20)ti lawng in ka leh hna. Holh ka thim lo i, asuallam cu ka chim kho hna lai lo ka ti hna i, ka mual a pho hraw lo. Holh thiam ning law, asuallam an ka chim ter lai i, lohbak ka si hnga. Inn ka tin cu ka ruat peng i, aluancia kum (10)hrawng i,tlaicia kasayapa kong ka ruat. Zuuding asi na in arian a tloh bal lo. Amit hmai aipah peng. Nikhat cu avel mi tluk in a hmai a chia. Zeibiahmah a chim lo.

Thungrang a lak i laimiphun ni le Chinstaterday ti ah kawlca in a van tial cawlh. Rongai khin aid an nak a um maw tiah an kan hal. Aikhat ko tiah kan van leh. Amit au aphing nawn cang. Ngaiuh,stateday nih asawh duh mi cu Chinstate chung lawng ah hin zung nai khar khawh. Miphun ni nih asawh duh mi cu khawi ka hmun hmah phan law zung nai khar khawh ti nak asi. Kan lak i along a fiang ve lo mi pakhat nih zei ruang ah dah cu tluk ai dang mi certual ah khin khiti an tial ne a van ti. Ukmi nih cun uktu sin ah nawl a ngei lo. Cucaah uk tu pawl khan nan palh tiah va ti hna hlah uh.

Kanhnu kum kan miphun ni i Kawi Khen bia bang kawl cozah nih hin, kan inn tung an kan phawi piak nain inn in an kan dawi lo. Umnak inn cu an kan pek nain kanmah ta bak asi mi kan rawl kha an kan pe duh ti lo. Chim duh mi cu kan Lairam ah kan mah nawl in khachuan cin nak nawl hmanh kan ngei ti lo. Eiawk um lo cang ah cun zei ti awk tha then siang lo bu te in kan khua kan ram cu kan chuah tak cio hna i ramleng kan pet cio hna.

Hilio caan ah kawlcozah nih biapi bik ah ai tinh ve mi cu kan nung phung kan holh kan ca hrawh viar i kan mi phun hrawh hi ai tinh ve. Nihin ni ah nang le kei cu kawlcozah kutchung in kan luat kan ti ko lai. Asi na in dollar zeizat hmanh in cawkawk atha lo mi kan pu pa hna nih an kan roh ta mi kan nung phung, kan Lairam hna hi teh kan luat pi kho maw ti zawng ruahawk aum rih. Hizawn ah hin Khrihfa kan si lawng in a za lo i,UNO nih mi phun pakhat ah an kan cohlan lawng zawng hi a zalai lo.

Cucaah Lairam dawtu nusal tha pasal tha hna na ram na mi phun na ven nak ding ah zeibantuk hriamnam dah nai tleih ve ne lai. Na ram na miphun ven nak ding ah kr(100)tal cu na pe ve lai lo maw? Norway ram i lai mi phun ni kan tuah hna hi pakhat le pakhat kan vai tawn i kan i nuamh lawng si lo in mi phuntling pakhat kan si nak mi phundang sin kan langh ter nak asi ruang ah kan tefa hna chan tiang in tete ah ahmun ding mi thil asi.Cucaah Laimiphun ka si ve ko a ti mi poh nih kan miphun ni hi kan miphun kan ram upat nak he Pathian sin thlacam bu tein hmang hram cio ve hna usih ti zaangfah nawl bu in.

Categories: