IMDI: Norway ah Burma Refugee Pawl an Laar

0 Comments

imdi_burma1March 29 , Oslo Red Cross ah an tuahmi Norway um ramdangmi kong ceihnak seminar pakhat ah IMDI (Integrerings- og mangfoldsdirektoratet) in a rami senior rådgiver a ttuanliomi Kofi Amankwah nih Norway nih laakmi refugees hna kong le zeibantuk miphun hna dah usa Norway nih a peek hna timi kong chimnak a ngei.

Mr. Kofi nih Burma refugee pawl kong a chimmi pakhat cu, Burma refugee pawl hi Norway kommune pawl nih an duh tuk hna an laar ngai a ti. Cu ti i an duhnak hna  aruang a chimmi ah, an umnak poh ah mi he ai i rem an buai lo, holh tha tein le lungtho tein an cawng, rian minung tampi nih an hmuh tiah a ti. Cucu Burma in a rami refugee pawl caah  thawngtha pakhat asi.

Pakhat a chimmi belte cu, Burma refugee a laami kommune 100 chung ah 63% nih qualify mi holhlet an hmuh khawh lo caah a haar ngai an ti a ti. Holhlet hmuh  ahaar khunmi group pawl ah Karen le Chin miphun hna an si a ti.

Norway National tolkeportalen ah Burma minung pa 6 register ai tuahmi laak ah kawl pa 4 an si i, Rohinya pakhat le Chin pakhat lawng an i tel kho. Karen a tu tiang ah an i tel kho rih lo. Cucaah Karen le Chin zong tam deuh tel khawh nak hi rak i zuam cio uh, IMDI nih tuahmi holh pahnih testnak Tospråklig test cu kumkhat ah voihnih lengmang tuah asi i, cu ah cun Karen le Chin pawl zong tam deuh in rak tuah kho ve hna seh law a tha tiah biacahnak a tuah.

imdi_burmaUDI (Utlendingsdirektoratet) ai awh nih Mr. Steven a rak kai ve. Amah nih Burma refugee kong ah a chim vemi cu, tukum 2010 ah Norway nih Malaysia ummi Burma refugee (abikin Chin) pawl minung 200 laak ding in timhtuah asi. April a zart hnihnak in UDI palai pawl Malaysia ah interview tuah ah an kal cang lai. Asullam cu, April thla dih cun, interview hi ai lim ding asi caah IOM (International Organisation for Migration) hi Norway kong cawnpiak ding ah May thla cheu cun an kal cang lai ati. Tutan an laak ding hna hi tu kum August in Norway lei ah phanh hram an i thawk te lai tiah a chim chih.

Categories: