Covid-19 caah vaccine cu free in chunh asi lai

0 Comments

Norway nih Covid-19 caah vaccine a cah mi cu 2021 hramthawk hrawngah zeimawzat cu a phan cang lai tiah ruah asi. Duhnak ahcun hngakchia telh lo in Norway um upa dihlak in i chunh zau ding in timhtuah asi. Vaccine a phanh chawm in chunh asi lai  caah ahodah chunh asi hmasa lai timi fiang in theih asi rih lo, nain risiko gruppe timi minung pawl hi chunh hmasa dawh asi. Covid-19 caah vaccine cu free tein i chunh khawh asi lai tiah kan prime minister Erna Solberg nih nizan tihni ah a chim.

Norway ram a tthu lio mi cozah hruaitu paw nih Covid-19 vaccine cawknak caah 3.77 billion Kr hman dingin timhtuahnak an ngei, cucu state budget 2021 chungin hman a si lai.  Covid-19 vaccine chunh dingah ttuanvo a nganbik ngeitu ding cu Kommune pawl an si te tthiamtthiam lai. Norway cu Covid-19 vaccine cawknak kongah EU he a fonh. Vaccine hman khawh asi hlan ah EU nih cohlan nak a tuah hmasa hnu lawng ah hman khawh asi te lai.  Atutiang ahcun EU nih Vaccine a tuah mi company pathum he rian an ttuan tti cang tiah theih asi.

Thawngpang laknak:

https://www.regjeringen.no/no/aktuelt/vaksine-mot-covid-19-blir-gratis/id2770128/

https://www.regjeringen.no/no/tema/Koronasituasjonen/sporsmal-og-svar-om-koronasituasjonen/ofte-stilte-sporsmal-om-regjeringens-arbeid-med-covid19-vaksine/id2741352/

Categories:

Leave a Reply

Your email address will not be published. Required fields are marked *