Coronavirus akarh tthan ruangah Norway cozah nih innka a khar tthan mi hna

0 Comments

Nai hrawng ah coronavirus zawtnak in a zaw mi an karh ngai caah Norway cozah nih innka tampi khar tthan a tim, atang lei hna hi khar cang mi an si;

1. Minung 200 cung hmunkhat ah i ton khawh asi ti lo, cun private nih tuah mi tonnak ahcun minung 20 leng ton khawh asi ti lo.

2. Pub le Club (restaurant le zudinnak) vialte zaan nazi 12 cung hun khawh asi lai lo

3. Asi khawh ahcun ramleng ah khualtlawn lo ding, kan hnu lei i a hring mi ram an ti mi hna zongah tlawn lo ding. Asen mi ram i na tlawn sual asi ahcun na tlun tik i ram chung na rak luh lio ah hmurkhuh(munnbind) na tuah hrim lai.

4. EU ramchung minung asi lo mi caah cun Norway tlawn khawh asi ti rih lo

Cun atanglei hna hi cozah nih tuahkhawh ahcun a ttha timi hna asi;

1. Inn ah rianttuan khawh ding dirhmun asi ahcun rianngeitu (arbeidsgiver) nih a rianttuantu pawl kha zerhkhat ah ni 2-3 tal cu ttuan khawh ding in a tuah piak hna lai.

2. Asi khawh ahcun mipi cit mi Buss le Tog tibantuk hrial na zuam lai.

3. Lengchuah tik ah munnbind hrukter a hau kho te men mah kong hi August ni 14 ah fiang deuh in chim asi te lai.

Categories: