Cianhkhinezi Pati Nih Nazisin Vailamtah Tung An Hrawh

Mualbem (Chin ramkulh):   Chin ramkulh Tedim peng Mualbem khua ah a ummi Assembly of God (AG) bu nih kum (25) tlinnak philhlonak ah an rak tuahmi nazisin cung vailamtah tung cu cianhkhinezi party (USDP) chungtel khuate lei uktu bawi hruainak in 11-04-2012 (11-vaupi 2012) ni ah an hrawkpiak hna tiah thawng kan theih.

Mah hi nazisin cung vailamtah tung cu an khuachung ah a ummi hna Khrihfabu kip nih (bukip fonh in) phaisa an thawhmi in an rak tuahmi a si i, 26-vaute 2009 (26-03-2009) ni ah khuate lei uktu bawi Pu Kai Sian Mung ṭhithruainak in khua upa hna le Mualbem Christian Family in biaknak lei hruaitu hna nih onnak an rak tuah.
Atu bantukin nazisin vailamtah tung hrawknak ah an hruaitu khuate lei uktu bawi Pu Hau Khan Nang cu cianhkhainezi party (USDP) in Tedim peng a myothar hluatdaw kosale Pu Suan Do Cin he unau an si tiah theih a si.
*** Hi kongah fiang deuh tein theih le hngalh a duhmi nih Pu Thang Do Khin (Ph- 09598 501 620) sinah hal khawh a si.***



Scroll to Top