23.vaute 2012: Chin ramkulh Hakha peng Chuncung le Ramthlo karlak ah 23.03.2012 ni zanlei suimilam (17.00 ) hrawngah mawṭaw le mawṭaw saikel an i pah ruangah pa minung pathum fak ngai in an i hliam-khawng tiah thawng kan theih.
“Hakha khua in Falam leiah a kalmi (Bus) Hakha Mann le mawṭaw saikel cu Chuncung le Ramthlo karah an i pah le saikel cung i aa cit, aa phirhmi pa pathum hna cu fakpi in an i hliam. An pathum ningin an faak ngaingai, an ke hna a kiak an thih lo hmanh an van a ṭha. Atu hi siizung ah an um” tiah Hakha ah a ummi minung pakhat nih a chim. Mawṭaw a mongtu pa cu zeiti ti cu a um lo saikel pakhat kha minung pathum nih an i cit, an i phirh caah anmah palh a si ko ti zongah a chim chih.