CCN Secretary Report 2021

Biahmaithi

Kan hnu kum le tu kum (2020-2021) cu CCN kan tuanbia ah philh lo awk ṭhami kum hna an si. Kam khat lei ah rianṭuan ding a tambik kum hna an si bantukin kam khat lei ah mipi sin le Norway ram kan cozah sinah thazaang tambik kan hmuh kum zong an si ve fawn. IMDI (Integrasjon og Mangfold Direktoratet) sinin bawmhnak (2020-2021) zapi kan hmuhmi 240 000 kr asi. Cun kan civui 2021 tuahnak caah 378 234 kr zong LNU (Landrådet for Norges Barne og Ungdomsorganisasjon) sin Norway Chin Christian Youth Federation (NCCYF) he i kan hmuh. Kam khat lei ah CCN rianṭuantu hna nih caan tambik kan hmannak cu Covid-19 kong le Kawlram ram uknak kongah an si i mipi tampi zong nih kan rianṭuannak a kan theihpi i mipi sin zongin thazangpeknak, lunglawmhnak le theihhngalh pi nak tambik kan hmuh kum hna zong an si.

Vawleicung mirumbik a si vemi Warren Buffet nih ka duh mi thilri zeizong te hi ka chawva ngeihmi in ka cawk khawh dih hna, asinain caan tu cu kei mah caah minute pakhat hmanh a hlei in ka caw kho lo a rak ti. Minung kan nunnak ah nikhat ah nizi 24:00 lawng kan ngei cio hna i ahohmanh nih suimilam pakhat a hlei in chap chih i cawk chap khawh zong a si lo, cu caah suimilam tampi man peklo tein CCN caah rian a kan ṭuanpiak mi nan dihlak cungah hika kan report peknak hin kan lunglawmhnak roca kan rak ṭial. Kan miphun caah caan nan peknak ah Bawipa tu nih thluachuahnak in pe ko hna seh.

Lunglawmhnak he,

Secretary

Chin Community in Norway (CCN)

Ṭial Kio Thang Mang Lian

For full report click here

Scroll to Top